巴塞癌鬥士今年將離隊，皇馬巴塞繼續競爭多蒙特中場！ 精選

據《每日體育報》最新消息，現年34歲既法國後衛艾比達極有可能會係今年夏天離開巴塞，球員本人已經抱定呢個諗法。與此同時《每日體育報》仲係頭版頭條上面宣稱，巴塞準備用2500萬歐元求購多蒙特既德國中場大將根度簡。
艾比達同巴塞既合同將會係今年6月30日到期，係佢患病治療期間曾經有消息指，只要佢能夠番到足球壇，而且球員本人願意繼續為巴塞效力既話，佢既合同就可以自動延長一年。宜家艾比達就認為，與其令自己成為巴塞既包袱，咁不如合同到期後免費離隊。
球員本人既諗法係，自己年事已高，需要為年輕人讓出位置，況且巴塞今年夏天打算全面重組球隊，球會唔大機會同意為佢提供一份新合同。艾比達既諗法已經俾巴塞教練組知道，維蘭路華等人都表示贊成艾比達既離隊。關於艾比達既下一站會係邊到，《每日體育報》只是指出，有可能番到法國，但係唔清楚具體會去邊間球會。
巴塞經歷左歐聯恥辱性出局之後，好多位置都被視為需要引入強援，《每日體育報》就係今天既頭版頭條上面透露，巴塞有意用2500萬歐元求購多蒙特中場球員根度簡，呢名土耳其裔德國國腳近年黎表現非常好，佢成功取代左加盟曼聯既香川真司。不過，今年夏天想簽根度簡既豪門仲有皇馬，咁意味住西甲雙雄會為呢件事展開競爭。