巴塞有意邀請拜仁主帥來季執教！ 精選

希歷基斯會係夏天結束自己既教練生涯？或者係繼續尋求新既挑戰呢？據《慕尼黑日報》既消息，巴塞似乎有意邀請希歷基斯執教。
星期三晚過後，圍繞成個德國足壇既只有一個話題：拜仁同埋多蒙特征服左歐洲。即使巴塞渴望主帥維蘭路華能夠跟隨前任主帥哥迪奧拿既腳步帶領球隊創造更多榮譽，但係有關佢有可能會被替代既傳言都唔係無。而皇馬主帥犘連奴下季即將奔赴車路士，似乎都已經係一個公開既秘密，而佢地都將安察洛堤視為潛在既接班人，即使佢地同時心儀另外一個人，高普，但係希望唔大。
即使巴塞高層目前仍對維蘭路華充滿信心，但係球會似乎都已經準備好B計劃。如果維蘭路華既未來因為自己身體既疾病而唔能夠百分百投入到工作入面，巴塞將會考慮替代佢既人選。而宜家有兩個人已經進入左巴塞既視野，根據《慕尼黑日報》消息，除左馬拉加主帥佩萊格里尼之外，最有可能既就係拜仁主帥希歷基斯！
據悉，巴塞已經關注希歷基斯好長時間。首先，佢既足球風格，理念同巴塞好一致。其次，佢係拜仁都已經證明左自己係可以管理眾多超級球星，呢一點都係巴塞所希望睇到。係率領拜仁4:0戰勝巴塞之後，呢種可能性似乎又增加左。但係宜家最關鍵既問題係，希歷基斯本人係點諗既呢？拜仁之前已經宣稱希歷基斯將會係夏天結束自己既教練生涯，但係希歷基斯之後似乎又改變左自己既想法，所以一切既結果仲係要等希歷基斯自己決定。