巴塞夏天必洗牌重建,五大位置引援邊個最關鍵?

足球轉會消息 於 09/03/2013 發表 收藏文章
雖然拎到聯賽冠軍既可能性超過九成,但呢個賽季巴塞表現出既勢頭並唔係回升,而係繼續向下,巴塞必須係今年夏天對球隊做手術,如果唔係面對既就將會係徹底滑坡,從0:2不敵米蘭到1:3輸俾皇馬,從前場到後場,巴塞暴露左好多問題,聯賽冠軍唔應該成為遮羞布,而且都遮唔住咁多恥辱。
第一樣既自然係中堅。佩奧爾被迪馬利亞挽既一幕只能令人感嘆歲月如飛刀,刀刀催人老,宜家既佩奧爾已經唔係當年果個既勇猛少年。再過一個月多,佢就將會度過自己既35歲生日,係今個賽季馬斯查蘭奴發揮唔好既情況下,巴塞既中堅係個大問題。事實上,上年夏天巴塞就已經意識到問題,但係競爭堤亞高施華失敗以及基達既離隊,令球隊只可以買入客串中堅既阿仙奴後腰桑治。
事實證明桑治或者係一個合格既後備後腰,但絕對唔係一個合格既後備中堅。今年夏天巴塞必須為碧基搵到一位合格既搭檔,從種種跡象黎睇,多蒙特中堅曉姆斯同車路士中後衛大衛雷斯係魯營重點考察對象。兩位球員都非常年輕,曉姆斯出生於1988年,大衛雷斯出生於1987年,兩位都係有身高有技術,仲有一樣野係一樣,就係兩位都唔便宜。幾個星期前巴塞技術總監曾經前往紐約同維蘭路華會面,討論下個賽季引援既問題,而呢兩位球員既名都被提及。
係前場。從今季既表現黎睇,除左美斯位置穩定之外,其餘球員既表現都麻麻地,尤其是係強強對話果陣,鋒線球員睇起黎選擇多,但可以派上場既就只有美斯。巴塞需要一個係美斯被盯防既情況下亦可以通過個人能力改變比賽既球員,已經支付左1000萬歐元訂金既尼馬好可能就係呢個人,呢位巴西球員能夠突破過人,能夠憑一己之力改變比賽。同時,如果維拿走人既話,巴塞仲需要一一位正宗既禁區得分手,從目前黎睇,美斯踢假9號既戰術已經俾對手睇穿,反而成為左球隊戰術軟肋,需要改變。
事實上,如果可能既話。從戰術角度黎講,巴塞最應該做手術既係沙維既位置。從上個賽季開始,經歷上年歐國盃,呢位中場大師既表現明顯下滑,雖然傳球成功率依然驚人,但標誌性既精准直線波就越黎越少見,咁都係難免既,一方面年齡大,另外一方面都係因為長期受到傷勢影響。如果可能既話,減少沙維既出場時間,令佢每星期只踢一場比賽,無論對沙維定係巴塞都有好處,但係想搵到沙維既替代者實在太難,係目前就連法比加斯都難以勝任。
此外,門將位置係肯定需要引援,除非域陀華迪斯出現逆轉又決定留隊。右後衛位置都可以諗下,丹尼爾今個賽季既表現只能夠算係合格同良好之間徘徊,係阿祖安奴可以踢右路既情況下,巴塞都可以嘗試更新換代!

留言


請按此登錄後留言。未成為會員? 立即註冊
    快捷鍵:←
    快捷鍵:→