巴塞加入比高域爭奪戰!

足球轉會消息 於 03/05/2013 發表 收藏文章
目前效力於英超史篤城既守門員比高域被認為係球會替代域陀華迪斯既人選,巴塞羅那已經派出球探對呢名波黑國腳進行左考察。
曼聯、阿仙奴、車路士、曼城以及利物浦同樣對比高域既興趣濃厚,而且佢好有可能係今季結束後離開球隊。但係曼聯有迪基亞,車路士有施治,曼城有祖赫特,呢啲球隊都暫時無能力俾25歲既比高域一個穩定既正選機會。阿仙奴就係相信比高域有成為球隊一號門將既實力,但係史篤城1500萬英鎊既要價對於槍手黎講可能係一個絆腳石。
巴塞羅那已經考察過迪基亞以及利物浦門將連拿,但係佢地一定要知道比高域已經成為今季英超表現最好既門將之一。同時,比高域已經為國家隊出場20次,但係佢從來無歐聯經歷並且唔識講西班牙語,咁可能成為阻礙佢加盟既原因。巴塞對國際米蘭門將漢達諾維奇都興趣頗濃,但係呢間意甲球會已經聲明唔會出售呢位斯洛文尼亞人。

留言


請按此登錄後留言。未成為會員? 立即註冊
    快捷鍵:←
    快捷鍵:→