巴塞冬季離隊首人出爐，替補右閘引起多間豪門注意 精選

巴塞引援禁令能否上訴成功仲係個問號，但冬季離隊人選卻已經率先出爐。係接受《每日體育報》採訪時，蒙度亞經紀人卡拉斯科明確表示，呢名右閘將「100%係冬季離開巴塞」。
係右閘位置上，蒙度亞只係安歷基眼中嘅第四人選。今季迄今為止，蒙度亞只踢左一場比賽。蒙度亞係昔日西班牙國青隊絕對主力，佢嘅替補卡華積如今已經係皇馬主力加西班牙國腳，蒙度亞係巴塞就踢唔到波，佢選擇離隊都係情理之中嘅事情。
卡拉斯科透露，佢會係下周同巴塞高層會面，以確定蒙度亞未來將加盟邊隊。卡拉斯科指出，德國、英格蘭同意大利都有球隊對蒙度亞感興趣。按照媒體上此前嘅說法，AC米蘭、國米、拿玻里、羅馬、阿仙奴、愛華頓同利物浦都同蒙度亞傳出過緋聞。
蒙度亞冬季離隊，艾維斯就會係明夏走人。艾維斯嘅合同將會係明夏到期，巴塞同佢都無繼續合作落去嘅打算。英媒宣稱雲高爾希望引入艾維斯，《每日體育報》就宣稱哥迪奧拿都對佢感興趣。艾維斯比較適合雲高爾嘅體系，但係哥迪奧拿對佢未必感興趣。係2012年離開巴塞前，哥帥就睇出艾維斯處於下滑期，佢甚至建議巴塞當時就賣左巴西人。