巴塞八千萬追普巴遭拒絕，有意西甲右路艾巴 精選

雖然巴塞今季有成為三冠王嘅希望，但中場實力嘅下滑已經係不爭嘅事實。考慮到沙維基本確定今夏離隊，巴塞需要盡快簽入一名頂級中場。巴塞嘅頭號目標係普巴，紅藍軍團曾經為佢報價7000萬歐元，但俾祖雲達斯拒絕。據《都靈體育報》報道稱，巴塞將報價提升到8000萬歐元，但仍然俾對方拒絕。
巴塞今夏無引援資格，但仍然希望提前簽下普巴，紅藍軍團寧願將佢租番俾祖雲達斯一年，都唔希望佢俾其他球隊截胡。按照《機密報》嘅講法，普巴已經話左俾施丹知佢願意加盟皇馬。但係從無耐前普巴經理人炮轟皇馬係政治球隊嘅狀況黎睇，普巴同皇馬之間似乎並無想像中咁近。車路士、PSG同曼城都係度追求緊普巴，祖雲達斯為佢估價為一億歐元。
係右閘位置上，雖然丹尼爾同巴塞接近於續約，但考慮到佢嘅年齡以及同蒙度亞、阿祖安奴、杜格拉斯等人相對欠缺嘅實力，巴塞仲要盡快敲定新人選先得。安歷基上年夏天欽點古亞達度，但哥倫比亞人係冬季就已經俾車路士截胡。據《每日體育報》報道稱，巴塞宜家睇中左25歲嘅阿歷斯維達爾。
阿歷斯維達爾係加泰羅尼亞人，佢係艾美利亞真正踢出名氣。阿歷斯維達爾本來係右翼，但係係今季加盟西維爾之後，佢被改造成助攻型右閘。係聯賽中，阿歷斯維達爾出場29次，攻入3球並有7次助攻。係《每日體育報》睇黎，阿歷斯維達爾可以被視為左路嘅艾巴。艾巴原本都係踢左翼，但係係效力華倫西亞時被改造成攻擊型左閘，並因此成為西班牙同巴塞嘅絕對主力。