巴塞今夏大變天，十一人或有可能離隊 精選

巴塞既第一隊長佩奧爾同第三隊長域陀華迪斯，都將會係今夏離開魯營。除左佢地之外，今夏仲有更多球員有可能離隊。《馬卡報》用一張圖黎形容巴塞呢個動蕩既夏天，下圖灰色既球員都係必將離隊或可能離隊的。呢張圖一共有10個「灰人」，不過巴塞離隊球員有可能達到11名，因為阿費利無登上呢張全家福。
係門將位置上，域陀華迪斯肯定會離開魯營，達史迪根將接替佢既位置。第二門將賓度既合同將會係今夏到期，不過考慮到巴塞同連拿既談判並唔順利，賓度獲得新合同可能性好大。第三門將奧亞，就有可能被出租出去，馬天奴可以從B隊提拔新既年輕門將擔任第三門將。
係後防線上，除左佩奧爾之外，丹尼爾艾爾斯都有可能被推上轉會市場。艾維斯既合同將會係2015年夏天到期，考慮到巴西人已經30歲了，巴塞並唔打算同近年狀態下滑既佢續約。《世界體育報》稱艾維斯同瓜德拉多有可能互換東家，費倫天拿睇中左艾維斯，巴塞都恰好欣賞紫百合右閘。
係中場方面，桑治同杜斯山度士基本確定離隊。桑治係上年夏天就一度考慮離隊，但係最終決定再嘗試一年。桑治始終無辦法適應巴塞體系，佢既表現一直唔理想。山度士都差啲係上年夏天離隊，今季佢因傷基本無出場過，離開係佢唯一既選擇。係鋒線上，巴塞一共有5人有可能離隊，分別係柏度、山齊士、泰路、古恩卡同阿費利。今季美斯同尼馬係巴塞既絕對主力，山齊士同柏度競爭最後一個主力位置，但係兩人都希望得到穩定既主力位置。如果有優厚報價既話，巴塞唔排除將其中一人賣掉既可能性。
《每日體育報》稱巴塞仲有可能今夏追求雲佩斯，如果能得到荷蘭人既話，山齊士同柏度甚至有可能同時離隊。泰路係今季翼鋒位置上既第四人選，阿費利傷癒後出場唔多，古恩卡無進入過比賽名單，呢三人都極有可能離開。為左補強鋒線整體陣容深度，巴塞將會從愛華頓召回迪路菲奧。