安帥續約提引援要求,若離隊皇馬將追求路維

足球轉會消息 於 13/03/2015 發表 收藏文章
早前,安察洛堤被視為皇馬史上最出色嘅主教練,佩雷斯打算同佢續約到2017年自己任期結束時。但係宜家,安察洛堤嘅未來就畫上左一個問號。懸念唔在乎能唔能夠續約,而變成左佢係唔係會係今夏離職。
係續約問題上,皇馬同安察洛堤原本已經基本傾好,但如今雙方約定將會係季尾再進行探討。據《阿斯報》一名名記透露,安察洛堤要求係續約果陣加入一個先決條件,就係皇馬要為佢引入至少一名能夠令攻守更加平衡嘅球員。
皇馬今季中場原本係摩特歷、占士洛迪古斯同卻奧斯。但係前兩人嘅受傷,安察洛堤無得唔令伊斯高同伊拿拉文迪正選。前者並唔適合踢防中,佢越接近對方禁區越有殺傷力。伊拿拉文迪係皇馬快兩年,但一直無顯示出能勝任正選嘅能力。安帥要求得到能平衡中場攻防嘅球員,按照此前西媒嘅說法,普巴係皇馬重要引援對像。
但係呢位記者都指出,一旦皇馬今季四大皆空,安帥考慮嘅就唔係續約,而係飯碗問題。《世界體育報》則報道稱,皇馬甚至已經開始考慮安帥後備人選問題。一旦意大利人落台,皇馬將會全力以赴追求路維。不過路維唔可能今夏告別德國隊,咁意味著就算皇馬得到路維,佢都只能係球會同國家隊「兼職」。呢位記者甚至預言,路維會帶著舒韋恩史迪加加盟皇馬。

留言


請按此登錄後留言。未成為會員? 立即註冊
    快捷鍵:←
    快捷鍵:→