安察洛堤稱今夏不回購莫拉達，替補中場或返老東家 精選

小豆好少上場，謝斯坐板凳唔開心有可能被出租，皇馬今夏又要為賓施馬搵後備人選。此前《阿斯報》曾透露，皇馬考慮以3000萬歐元嘅價格回購莫拉達。不過係接受《米蘭體育報》採訪時，安察洛堤明確指出，皇馬今夏唔會回購莫拉達。
「雖然出場唔多，不過佢係我手下表現好好。佢係個現代型射手，門前好冷靜，同時都好勤奮。但我地並唔後悔賣走佢，佢需要更多出場時間。佢好年輕，佢表態想去一個能夠俾佢穩定機會嘅球隊。佢有好多追求者，最終選擇左祖雲達斯。我地有回購權利，但我認為佢將會留係祖雲達斯。」安察洛堤咁講到。
係防中位置上，盧卡斯施華如今迅速上位，咁令基迪拉同伊拿拉文迪成為左無用之人。基迪拉下周將會傷愈恢復訓練，德媒宣稱佢好可能加盟史浩克04。「如果基迪拉願意自由轉會，咁我地嘅大門永遠向佢敞開。」迪馬堤奧代表球會進行表態。
身價3900萬歐元嘅伊拿拉文迪，兩年黎從無成為過皇馬常規主力。利物浦如今仲對佢有興趣，但《機密報》指出，伊拿拉文迪最有可能重返老東家皇家蘇斯達，佢同皇家蘇斯達球迷嘅關系一直非常好。