安察洛堤將決定卡卡的命運！ 精選

安察洛堤係星期三正式成為皇馬主帥，隨住新任主帥既確定，皇馬既引援同清洗都將會正式大規模啟動。安察洛堤既一大任務，就是明確卡卡既未來。據《馬卡報》透露，安察洛堤將會確定卡卡既命運。不過就算安察洛堤想要清洗卡卡，卡卡都只會係皇馬同佢解約既情況下免費離隊。
卡卡既命運，將直接取決於佢同安察洛堤既對話。安察洛堤係卡卡職業生涯既伯樂，佢地曾經係AC米蘭有過相當成功既合作。但去到今時今日，皇馬隊內已經無左卡卡既生存空間。奧斯爾係當今足壇最出色既年輕攻中之一，皇馬又即將敲定伊斯高。再加上能勝任攻中同防中既摩特歷，卡卡係皇馬既生存空間已經遭到極大既壓縮。
安察洛堤今次會唔會留低卡卡？兩人既對話將決定巴西人既命運。不過如果要佩雷拉選擇既話，佢必然想要清洗卡卡。一黎送走卡卡既話，皇馬每年可以節省1000萬歐元既稅後年薪，呢筆錢可以用黎比C朗同奧斯爾加薪。二黎如果今夏唔送走卡卡既話，卡卡合同將係兩年後到期，出年夏天巴西人更賣唔出價錢。
賣左卡卡？卡卡本人就唔答應。據《馬卡報》透露，卡卡並唔排除離開皇馬既可能性，但係佢有一個前提，就係皇馬同佢免費解約。上年夏天曾經有球會追求過卡卡，但係皇馬標價2000萬歐元，令到巴西人最終未能離隊。卡卡希望皇馬如果要趕走佢，咁就要同佢解約。一來新東家唔需要為卡卡支付轉會費，卡卡就可以藉此索要高薪。卡卡已經31歲，佢需要係生涯末期再簽下最後一份大合同。