宇宙十大身價：C朗穩坐第一，巴爾緊隨其後！ 精選

第一名，C朗拿度，9600萬歐元
2009年6月，C朗以9600萬歐元既天價由曼聯轉會至皇家馬德里，成為足球壇歷史上轉會身價最高既球員。呢一項紀錄至今仲未有人打破。就連岩岩轉會到皇馬既巴爾都未能打破C朗既紀錄。
C朗效力皇馬前四季入球效率驚人，199場比賽攻入201球，49次助攻，每場以差唔多1.01球既入球率成為皇家馬德里歷史上入球率最高既球員。9600萬換黎每場一球既效率可以講係物有所值。C朗既表現完全對得起佢既身價。
第二名，巴爾，9100萬歐元
2013年9月，巴爾接近最後時刻加盟皇馬。巴爾既轉會响2013既夏天被炒得好熱，之前外界一直爆料，巴爾既身價將超出C朗，以超過1億既身價成為世界第一身價。但係隨住巴爾加盟皇馬一事塵埃落定，巴爾既轉會費都浮出水面。根據《馬卡報》同《阿斯報》等西班牙媒體報導，堅持巴爾既轉會費為9100萬歐元，並未超越C朗。德國權威網站《轉會市場》俾出既轉會費都係9100萬歐元。

巴爾上季係熱刺出戰44場打入26球，獲得2012-2013賽季英超最佳球員。巴爾加盟皇馬後會唔會有搶眼既表現？可唔可以用實力證明佢既身價以及回擊外界既質​​疑？等我地拭目以待。
第三名，施丹，7500萬歐元
世界足球壇既藝術大師，三屆世界足球先生施丹係2001年俾皇馬以當時世界第一身價6400萬英鎊簽下，折合7500萬歐元。呢一個身價當年都轟動全世界。施丹係銀河戰艦效力左5個賽季，為皇馬重奪歐聯立下汗馬功勞。最令球迷記憶猶新既緊係2002年歐聯決賽對陣利華古遜果場比賽，施丹用一腳凌空怒射幫助皇馬登上歐洲之巔。呢腳射門被球迷稱之為「天外飛仙」。
第四名，伊巴謙莫域，7000萬歐元
2009年7月，巴塞用伊度奧加現金簽下國米神塔伊巴謙莫域，總價值都高達大約7000萬歐元。伊巴係加盟巴塞後並未有優異既表現，而係對內矛盾重重。美斯同哥迪奧拿都傳同伊巴有過矛盾。2010年，伊布重番意甲，投奔AC米蘭。身價都縮水為2400萬歐元。
第五名，卡卡，6500萬歐元2009年6月，皇馬用6500萬簽下AC米蘭球星，07年世界足球先生卡卡。响意甲風生水起既卡卡黎到西甲後，就冇表現出佢應有既身價，並且傷病不斷。摩連奴執教時期，​​佢更加係跌入生涯谷底，徹底淪為替補球員。自此，佢都被媒體公認為水貨之一。
第六名，卡雲尼，6400萬歐元
2013年夏季轉會市場既第二身價（僅次於巴爾）當屬巴黎聖日耳門射手卡雲尼。今年夏天，巴黎用6400萬歐元將烏拉圭人從拿坡里帶到巴黎。巴黎陣中如今擁有兩位恐怖既前鋒，伊巴加卡雲尼，歐洲每個球隊都唔敢睇少巴黎既實力。第七名，法卡奧，6000萬歐元
法甲新貴摩納哥今季番到法甲。係大財團既支持下，今季摩納哥斥重金引入多名好手，其中就包括法甲第二身價（僅次於卡雲尼）既法卡奧。摩納哥用左6000萬歐元從馬體會買左法卡奧。哥倫比亞人係新季前兩輪都有入波，狀態唔錯。摩納哥都被視為巴黎係法甲既最大挑戰對手。
第八名，費高，6000萬歐元
2000年7月，皇馬以當時世界第一身價5610萬美金，折合6000萬歐元既價格從死敵巴塞手入面搶到費高。咁都係費高人生做出既最大決定。投奔死敵，帶黎既唾罵可想而知，但係費高都係毅然決定加盟皇馬。佢同施丹組成既世界級中場，成為左一代經典。
第九名，托利斯，5850萬歐元西班牙金童托利斯係馬體會同利物浦時期表現非常出色，引黎左車路士既關注。2011年阿布用左5850萬歐元從利物浦買黎托利斯。托利斯都可以算係水貨之一，因為佢係藍軍既表現都係不如人意。傷病令佢既運動狀態大不如前。咁都令人諗起左另外一位相似既藍軍球員舒夫真高。呢個都係阿布既兩次敗筆。
第十名，尼馬，5700萬歐元巴塞之前一直對尼馬求賢若渴，而死敵皇馬都早已經對佢虎視眈眈。最終，係今年夏天，巴塞以5700歐元簽下尼馬。新賽季佢將會同美斯搭檔將對戰皇馬既C朗同巴爾，西甲既好戲正係度上演。