媒體曝皇馬願賠錢送走卡斯拿斯，很大可能加盟阿仙奴 精選

「就算唔係主力，我都希望履行完同皇馬嘅合同，我份合同簽到2017年。」幾日前，卡斯拿斯曾經公開咁表態，佢希望能夠係皇馬結束自己職業生涯。但從目前情況黎講，卡斯拿斯好難如願以償。據Onda Cero電台報道稱，皇馬希望係今夏「勸走」卡斯拿斯，並願意向佢支付4000萬歐元嘅分手費。
卡斯拿斯已經係度走下坡，拿華斯並唔算係頂級門將，皇馬希望能夠係今夏收購迪基亞。但迪基亞嘅態度非常明確，只要卡斯拿斯唔離開皇馬，佢就唔會出現係班拿貝。迪亞高盧比斯係皇馬果陣屢屢遭到「卡斯拿斯派」嘅記者攻擊，迪基亞就唔想體驗呢種滋味。
卡斯拿斯唔走迪基亞唔黎？皇馬只能夠勸卡斯拿斯離開。皇馬隊長仲有兩年合同，稅後年薪為800萬歐元。計埋稅款，稅前年薪係1600萬歐元左右。為左勸卡斯拿斯離隊，皇馬願意為佢拎出4000萬歐元嘅天價分手費。宜家，就睇卡斯拿斯自己嘅決定。《每日體育報》認為卡斯拿斯好可能將加盟阿仙奴，槍手願意為佢開出一份降薪合同。第一年年薪為750萬歐元，第二年則為700萬歐元。