堤亞高難忍受做後備，如果離隊必投奔哥迪奥拿！ 精選

天才中場球員堤亞高係巴塞既路走得唔多順利，佢似乎唔清楚自己系巴塞應做既角色。相反佢越黎越清晰咁睇到沙維，恩尼斯達大師級既中場唔係咁容易被替代。事實上，堤亞高一直係歐洲好多豪門既目標，其中包括英超球隊，但對於魯營特殊既感情令佢不忍心離去。
眼下，一切都有左啲變化，堤亞高既經紀人正正係哥迪奧拿既細佬，而且哥迪奧拿既細佬既助手同堤亞高更係情同手足，無耐之前傳出巴塞提防哥迪奧拿挖角既新聞講既就係堤亞高。係巴塞入面，堤亞高好聽哥迪奧拿話，每次訓練都會揹一個雙肩背包，盡量將自己裝扮成學生，但响佢既內心深處早已覺得自己已經足以擔當大任，咁岩既係​​，前巴塞主帥哥迪奧拿都咁樣認為，佢覺得拜仁缺少左一位中場靈魂人物，堤亞高完全可以勝任，對於呢一點，堤亞高既爸爸都幾讚同。
所以，如果有一日堤亞高離開魯營，首選係跟哥迪奧拿走。此外，响呢件事背後仲有商業巨人Adidas同Nike既暗戰，Nike好想响Adidas既老巢拜仁放入多啲自己既球員，堤亞高就係Nike重點培養既形像人物。Adidas方面都唔得閒，打算買左成個職業生涯都跟住Nike既主帥哥迪奧拿，咁樣就要用好大既金額。
巴塞留住堤亞高既信心好大，但承諾主力始終好難，哥迪奧拿既細佬好喜歡堤亞高，但係佢同哥迪奧拿已經一個月冇任何聯絡，兩個人越黎越僵既關係令唔少巴塞球員好驚。但就堤亞高事情總結，有一點係肯定既，堤亞高想留係魯營，但如果始終都係後備，佢更加願意跟哥迪奧拿去踢主力！