哥帥欲再挖東家,替補右閘夏天或免費加盟拜仁

足球轉會消息 於 12/03/2014 發表 收藏文章
上年夏天,西班牙少帥入主拜仁後從老東家巴塞羅那引入西班牙天才中場堤亞高,而佢既愛徒都係拜仁證明左自己既實力,宜家已經係球隊既主力中場。今年夏天,哥迪奧拿就仲有繼續引入巴塞球員既計劃。據德國媒體《圖片報》既消息指,哥帥有意係今夏引入巴塞羅那既右閘、自己既愛徒蒙度亞。蒙度亞同巴塞既合同將會係今年夏天到期,巴塞至今仲未同佢完成續約。據稱蒙度亞加盟後,拜仁隊長拿姆將會固定係防中既位置上。
據德國媒體《圖片報》既消息稱,拜仁主帥哥迪奧拿有意係今夏繼續從老東家巴塞羅那買人,今次佢既目標係自己既又一名愛徒:蒙度亞。蒙度亞同巴塞既合同將會係今年夏天到期,到目前為止巴塞同佢既續約談判無任何既進展,如果到今夏轉會市場開啟之前蒙度亞都無辦法敲定新合約既話,咁佢將可以以自由身份加盟拜仁。蒙度亞既加盟對於拜仁黎講將會係個好消息,係拿姆擔任防中後拜仁右閘既位置上只有拉菲拿一人,蒙度亞可以補強球隊既後防線。
早係巴塞青年隊執教時期,​​哥迪奧拿就係蒙度亞既教練,蒙度亞都因此成為左哥帥既愛徒之一。蒙度亞係一名球場上既多面手,佢可以勝任中堅同右閘既位置,咁既特性顯然好啱哥帥既胃口。22歲既蒙度亞宜家係巴塞既邊緣球員,今季佢為巴塞出場18次,出場時間1494分鐘獻上4次助攻,大部分都係以替補身份出場。目前係德國權威媒體「轉會市場網站」上蒙度亞既估價為1200萬歐元。

留言


請按此登錄後留言。未成為會員? 立即註冊
    快捷鍵:←
    快捷鍵:→