哥帥撬皇馬未來十年支柱,3000萬激活毀約金

足球轉會消息 於 25/01/2015 發表 收藏文章
西班牙媒體《馬卡報》係頭版頭條上聲稱,現任拜仁主帥哥迪奧拿準備今後嘗試挖角皇馬,被佢視為收購對像嘅皇馬球員係年輕中堅華拉尼,皇馬主席佩雷斯將其視為未來10年可以倚重嘅棟梁。係目前拜仁中堅位置上嘅保定、丹迪、巴斯杜巴、賓拿迪亞等名將,佢地嘅共同點係正處於打當之年,而係哥帥睇黎,拜仁需要為未來提前儲備優質中堅,佢最欣賞嘅年輕中堅就係華拉尼。
之前兩個球季,華拉尼進步顯著,佢甚至都係國家打比、歐聯決賽等重要場合出任首發,但係今季以後,華拉尼嘅出勤率就較往年縮水,聯賽+歐聯截止目前總計都只係踢左907分鐘,而長期無辦法正選導致佢狀態下滑,先前國王杯作客輸俾馬體會,華拉尼就踢得相當一般。
哥迪奧拿認為,既然華拉尼係皇馬處境欠佳,咁今後完全可以嘗試求購,而就拜仁財力黎睇,哪怕一口氣砸出3000萬歐元並激活華拉尼毀約金條款都無咩壓力。需要指出嘅係,此前《馬卡報》曾有報道稱,皇馬準備同比比續約至2018年,而係該報睇黎,如果比比唔走人嘅話,華拉尼好可能就要尋求轉會。
華拉尼是否會對轉會拜仁產生興趣?好難講,但有一點可以認定,佢非常熱愛皇馬,早前佢曾經坦言:「效力皇馬呢三年以黎,我贏得好多,經歷嘅一切都大大超於我嘅預期。當然我都必須承認,身處呢到令我感覺壓力好大,黎皇馬踢波係好多年輕球員嘅夢想,而我竟然咁年輕就已經圓夢,並贏得好多榮譽。」

留言


請按此登錄後留言。未成為會員? 立即註冊
    快捷鍵:←
    快捷鍵:→