史浩克新星拒絕皇馬曼城天價合同

足球轉會消息 於 07/07/2013 發表 收藏文章
《圖片報》近日獲悉,有好多歐洲頂級球會同時希望以4550萬歐元既違約金買斷史浩克04隊既19歲小將戴斯拿。但係雖然佢地為德國新星提供左一份總價值6000萬歐元既合同,戴斯拿都係拒絕左佢地。
早前德國小將同史浩克04續約至2018年,並且合同中既違約金高達4550萬歐元,咁有可能成為德甲歷史上最昂貴既一筆交易 (宜家係拜仁4000萬先生馬天尼斯) 。但係令人意想不到既係,係幾星期之後,竟然就有球隊想啟用呢項違約金條款。
據《圖片報》獲得既消息,皇家馬德里、曼城以及另外一間英超球會已經對戴斯拿報價,佢地為德國新星提供左一份五年年薪1200萬歐元既合同——總價值6000萬歐元。

開始呢啲球會希望能夠以轉會費加交換球員既方式得到戴斯拿。但係經過同史浩克經理以及戴斯拿經紀人談判之後,佢地得知史浩克仲未準備出售呢位小將。邊間球會係7月1日前 (每季違約金條款生效日期 ) 攞出4550萬歐元轉會費,佢地先能夠得到德國新星,皇馬曼城等球會已經準備好咁做,然而宜家年薪只有300萬歐元既戴斯拿就拒絕左佢地。
佢對《圖片報》咁講:「呢個賽季將會係我到目前為止最忙碌既一個賽季,因此我唔想到第二啲既地方去重新適應果到既環境。我希望同史浩克一齊踢歐聯並期望順利入選出年既巴西世界杯德國隊名單。」

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Felix Lai
    Felix Lai 於 07/07/2013 評論 NO. 1

    價值觀唔同姐

快捷鍵:←
快捷鍵:→