史浩克新星唔排除加盟拜仁，將會以令自己進步為先 精選

最近，關於史浩克04德國新星戴斯拿既轉會傳聞一直不斷。响冬歇期同阿仙奴傳出緋聞後，最近佢同拜仁屢屢傳出緋聞，據稱拜仁有意係今夏激活球員價值4550萬歐元既解約金條款。雖然史浩克高層表示，戴斯拿今夏一定會留係球隊，唔會去拜仁。但係球員本人回應，就顯得較為曖昧。近日佢响接受採訪既時候表示，唔排除加盟拜仁既可能。佢仲用紐亞舉例子，指佢曾經講過絕對唔去拜仁，但最終都係去左。
戴斯拿上季尾岩岩同史浩克04完成續約，新合同到2018年先到期，但呢名20歲球員既合同有一條價值4550萬歐元既解約金條款，唔少豪門都嘗試將佢簽下。對於戴斯拿黎講，「我响呢到既感覺好好，而且我過去既表現都證明左我非常樂意為史浩克04踢球，呢個就係我續約既理由。我知道，我既合同有一條解約金條款，呢個都唔係咩秘密。我有離隊既可能性，不過最終我都係要睇用咩方式令我進步。」
德國媒體日前爆料指，拜仁體育主管森馬响今年1月份既時候就已經同戴斯拿經紀人有過一次會面，雙方討論左佢加盟拜仁既可能性。最近森馬接受採訪既時候更加大方咁承認，球隊唔排除戴斯拿會加盟拜仁，「我唔會否認任何可能性，無論係戴斯拿定係其他球員。我永遠唔會拒絕最好既球員黎拜仁。戴斯拿值唔值4550萬歐元既解約金？唔係我地宜家談論既話題。」
戴斯拿將要加盟拜仁？佢對呢件事表示，有可能，「的確我既解約金條款導致唔少流言，但對於​​我同球隊黎講非常有必要。總而言之，我宜家唔會回答任何關於轉會既話題，我都唔會排除轉會既可能性。回想當年既紐亞，佢當時就話自己100%唔會加盟拜仁，結果經過左一段時間，選擇去拜仁開始一段唔同既旅程。」