加拉塔沙雷20萬週薪引泰利，藍軍隊長或遭挖角！ 精選

根據《每日郵報》透露，加拉塔沙雷準備用一份為期三年，週薪達20萬鎊既豐厚合同​​誘惑泰利。加拉塔沙雷係今個星期一提前兩輪鎖定冠軍。此外，今季加拉塔沙雷係歐聯賽場同樣有搶眼既表現。如此有誠意且實力不差既球會，對於32歲既泰利黎講，絕對算得上係理想既下家。
目前，泰利係車路士拎住15萬英鎊既周薪，合同都只剩低一年。賽季至今，泰利英超出戰13場，平均出場67.2分鐘，攻入4球，效率幾高。但係賓尼迪斯既戰術體系入面，泰利既出場時間大大減少，目前既出場順位已經排係大衛雷斯、伊雲奴域同加利卡希爾之後，同時有關藍軍隊長既續約問題，都遲遲得唔到球會方面既響應。即管摩帥​​回歸史丹福橋可能性較大，並且佢極力要求車路士留住兩隊隊魂，但係以目前藍軍高管既態度黎睇，留低神燈賣左泰利既趨勢更為明顯。
與此同時，根據《每日星報》之前爆料，車路士老闆阿布好希望大衛雷斯今後可以取代泰利擔任車路士第一隊長。今季巴西鐵衛進步好快，據統計，大衛雷斯係比賽入面成功傳球已經從上季既746次上升到1106次，而總傳球數更係由877次飆升到1362次。此外，賽季至今大衛雷斯已係各項賽事為藍軍攻入7球，呢個數據係上年只係得3球。可見，大衛雷斯既成長將極大限制泰利係車路士既位置。
近日，《太陽報》披露藍軍兩大隊長泰利同林柏特將有可能會缺席歐霸盃決賽。尤其對泰利黎講，車路士中堅競爭壓力極大，咁關鍵既賽事入面，作為賓尼迪斯既第四選擇，泰利出戰微乎其微。而連續兩年缺席歐聯同歐霸盃決賽，咁唔洗講，將會成為泰利職業生涯既一大遺憾。
加拉塔沙雷最近幾年投入大量資金用於轉會，球隊目前已雲集杜奧巴、史奈達等眾多世界級球星。而加拉塔沙雷已經第19次奪得土超聯賽冠軍，壓倒18次奪冠既費倫巴治同埋13次奪冠既比錫達斯，成為土超第一豪門。與此同時，據《鏡報》爆料，加拉塔沙雷仲睇上左「瀟灑哥」貝碧托夫，佢地有意用500萬簽下呢名保加利亞前鋒。另據《慕尼黑晚報》透露，加拉塔沙雷係相繼買入史奈達同杜奧巴兩位巨星後，又準備將「小飛俠」洛賓都招致麾下，據悉加拉塔沙雷願意拎出3000萬歐元既轉會費黎購買「小飛俠」。