前阿仙奴隊長或將會重返阿仙奴！ 精選

2011年夏天，法比加斯放低左阿仙奴隊長既袖標，番到巴塞圓夢。但係巴塞兩年期間，小法既處境並唔理想。根據英格蘭《每日星報》報導話，法比加斯有可能重返阿仙奴！
如今既法比加斯，正考慮係倫敦斥資540萬英鎊收購一套豪宅。即使有消息話小法咁係為左佢既女朋友同埋個女買房，但《每日星報》仍然指出，唔排除小法重返阿仙奴既可能性。係巴塞入面，法比加斯始終無辦法完全融入球隊體系之中，佢既定位都始終係輪換替補球員。
法比加斯既球風，偏重於直線殺傷，而巴塞就主要通過橫向控球黎掌控節奏。西媒原本希望小法能夠接班沙維，但係目前情況黎睇，兩人根本就唔係同一個類型既球員。係前腰位置上，沙維和恩尼斯達仍然係前兩號人選。而係中鋒位置上，小法只能做美斯既後備。而且小法本人都唔太鍾意踢中鋒，佢曾經明確表態，即使可以客串偽九號，佢仍然係個中場球員。《每日星報》係巴塞內部得到消息，如果收到理想報價既話，巴塞願意放走小法。