傳沙維即將加盟紐約城，再度與維拿合作 精選

「巴塞史上最聰明嘅球員，將會轉投紐約城。」《每日體育報》就咁樣報導。沙維早就決定要係今夏離開巴塞，只不過目的地唔係之前盛傳嘅卡塔爾，而係美國大聯盟。據《每日體育報》指出，沙維已經簽下紐約城嘅三年新約。
如今嘅沙維度緊假。按照巴塞嘅計劃，西班牙國腳需要係今個星期四歸隊報到，《每日體育報》認為屆時巴塞、紐約城同沙維將會徹底敲定佢嘅轉會。雖然沙維仲有合同在身，但係巴塞願意放佢自由轉會，並且向佢提供450萬歐元嘅分手費。不過按照《馬卡報》嘅講法，沙維希望得到700萬歐元。
係上季中，沙維係巴塞嘅地位就開始有所下滑。係安歷基上任後，沙維同巴塞新帥進行左對話。安歷基希望沙維幫助佢穩定更衣室，但係戰術層面上會弱化沙維嘅作用，沙維並唔接受咁樣嘅角色，並因此決定離隊。之前媒體盛傳沙維要去卡塔爾踢波，不過最終決定去美國大聯盟。
紐約城係美國大聯盟新軍，呢隊球隊係由曼城幫忙籌建，明年先會正式加入到美國大聯盟之中。早係世界杯期間，維拿已經同紐約城簽約。如今，沙維都將加盟呢隊球隊。係下季美國大聯盟中，沙維將繼續為維拿傳波，佢地係國家隊中已經咁合作左將近10年。