佩雷斯表態拒絕賣巴爾，嫌棄曼聯報價太低 精選

早前，巴爾經紀人去左班拿貝，並開門見山咁向佩雷斯提出左一個問題：「皇馬係唔係打算出售巴爾？我帶左幾份報價黎。」佩雷斯做出左點嘅答覆？《阿斯報》就俾左答案。
皇馬係唔係願意出售巴爾？佩雷斯嘅答覆係否定。佩雷斯仍然堅信，巴爾能夠係班拿貝取得成功。係佩雷斯睇黎，巴爾仍然屬於金球級別嘅運動員。如果巴爾能夠係2016年歐國杯率領威爾士有所突破嘅話，佢將會有資格競爭金球獎。皇馬所要做嘅，就係繼續留低巴爾。
佩雷斯拒絕出售巴爾嘅另一個原因，就係一班追求者嘅報價實在太低。《阿斯報》明確指出，係巴爾經紀人帶黎嘅幾份報價合同中，曼聯係開價最高嘅，但都係只不過6500萬歐元。
6500萬歐元？係皇馬兩年前收購巴爾果陣，用左1.01億歐元天價！係佩雷斯睇黎，曼聯呢份報價係唔可以接受。巴爾係國王杯、歐聯同世界冠軍球會杯決賽中都打入左關鍵球，但兩年黎身價反而下跌左3600萬歐元，皇馬主席認為咁純屬無稽之談。不過佩雷斯似乎忘記左，巴爾今季嘅表現有幾咁差。係C朗身邊，係右翼位置上，巴爾似乎忘記左點樣踢波。係今季入面，大聖一直俾馬德裡媒體同球迷批評，佢係狹小空間內技術能力差嘅弱點都被無限放大。巴爾嘅風格較為適合英超，真係唔太適合對小技術精益求精嘅西甲。