佩雷斯暗示可能簽域陀華迪斯，否認幕後推動尼馬一事 精選

即管卡斯拿斯宣稱「迪亞高盧比斯幫助皇馬領跑」，但兩大門將今夏顯然必走其中一個。曼城、阿仙奴都希望得到聖卡斯，迪亞高盧比斯就得到AC米蘭既邀請函。佩雷斯已經開始未雨綢繆，佢將高圖爾斯、迪基亞當成門將引援既兩大人選。日前佩雷斯甚至暗示，皇馬有可能會簽下域陀華迪斯！
域陀華迪斯同巴塞既合同將會係今夏到期，坊間傳聞佢已經同摩納哥私定終身。新東家唔需要為域陀華迪斯支付轉會費，皇馬願唔願意用佢黎頂替聖卡斯或者盧比斯？係被問到呢件事時，佩雷斯既回答指：「我地願唔願意簽域陀華迪斯？咁就要睇佢係唔係巴塞球員啦。宜家，佢仲未離開巴塞，我地一定要等佢離開左之後先講。」《阿斯報》認為，佩雷斯暗示緊有可能免費簽域陀華迪斯。
西班牙司法部門嚴查緊尼馬事件，有媒體認為佩雷斯係幕後黑手，因為司法部長係佢既好朋友。對於呢一點，佩雷斯回應：「我地係朋友，的確有人廣播呢件事，但我係呢件事既幕後黑手？叫我回答呢種問題既簡直係荒謬。」