佩奧爾或會離開巴塞加盟AC米蘭，連拿有望成為今夏首名加盟巴塞球員！ 精選

「域陀華迪斯同佩奧爾既未來並唔確定」，《每日體育報》係頭版頭條咁樣講。域陀華迪斯未來唔確定，咁並唔係咩新消息，但係佩奧爾未來唔明確，就令人幾震驚。據《每日體育報》透露，佩奧爾正慎重考慮，佢要唔要係今年夏天離開魯營。
自從進行左手術之後，佩奧爾就再冇係公開場合接受過採訪，佢只係係社交網絡上面偶爾發表下感想。據《每日體育報》報導指，佩奧爾認為自己受到高層唔公正既對待，佢認為自己努力縮短康復期既貢獻，並無得到應有既認可。係巴塞4:0大勝AC米蘭之戰入面，佩奧爾被俾維蘭路華放上左後備席。賽後佩奧爾非常唔開心，佢宜家仍然對呢場關鍵戰役入面被雪藏而好嬲。雖然今季岩岩同巴塞完成續約，但係佩奧爾仍然有可能係今夏告別魯營。
《世界體育報》就重點報導左巴塞既引援建隊思路。據該報透露，巴塞今夏引援既重點，在於門將同中堅呢兩個位置。連拿極有可能成為巴塞既第一名新援，紅藍軍團願意為佢開出1000萬歐元既報價，無論域陀華迪斯下賽季留唔留隊。
係中堅位置上，巴塞既頭號人選如今係羅馬新星馬昆奴斯。馬昆奴斯符合巴塞一切審美，佢年輕有潛力有實力，同時身價都唔會過於離譜。係巴塞引援既第二重要人選入面，人選就係泰亞高施華、甘賓尼同尼馬。前兩名中堅實力夠強但身價太高，尼馬係巴塞鋒線引援既頭號人選，但係巴塞目前最想要既仍然係門將同中堅。係巴塞引援既第三級入面，三名球員就係曉姆斯、利雲度夫斯基同馬天尼斯。《世界體育報》認為，巴塞事實上好難引入呢三名球員。曉姆斯得唔到維蘭路華既認可，利雲度夫斯基更加接近拜仁，馬天尼斯就係皇家蘇斯達既非賣品。