今夏9大熱門轉會人選！ 精選

2013年夏季轉會市場上既熱門人物仍然係中前場球員，朗尼、巴爾、卡雲尼、希古恩、蘇亞雷斯、伊巴謙莫域等都係其中既佼佼者，而將會為呢啲天才攻擊手展開競爭既無疑係英超諸強，另外仲有拜仁、皇馬、巴黎聖日耳門、祖雲達斯等資金充裕既豪門級別球會。
朗尼 (​​曼聯)
緋聞球會：巴黎聖日耳門、車路士、拜仁
 
費sir退休，佢既愛徒朗尼係唔係都會選擇係今夏告別曼聯呢？早係3月份，英媒就曾經傳出巴黎聖日耳門有意出價3000萬英鎊既價格收購朗尼，並為佢準備左年薪1200萬英鎊既5年肥約。而《體育》雜誌主編同巴黎聖日耳門前顧問都係4月中言之鑿鑿咁話小胖鐵定加盟巴黎。之後同朗尼傳出緋聞既仲有阿仙奴同埋歐聯新冠軍拜仁慕尼黑，雖然朗尼上季只係有16球入賬，但係仍然處於職業生涯黃金期既佢如果真係告別曼聯依然唔洗愁無豪門接手。
 卡雲尼 (拿坡里)
緋聞球會：曼城、皇馬、車路士
 
車路士報價3000萬歐元加托利斯換購卡雲尼既消息已經成為意大利足球壇既頭號熱門消息，啱啱係拿坡里上任既賓尼迪斯要係轉會市場上面好好敲老東家一筆，但係作為今季意甲金靴以及近幾年意甲最穩定既入球機器之一，烏拉圭鬥牛士完全配得上藍軍既邀請。不過，車路士想簽下烏拉圭神鋒，就一定要擊敗黎自曼城同皇馬既競爭。
 巴爾 (熱刺)
緋聞球會：皇馬、車路士、曼城、曼聯
 
作為今季英超既雙料MVP，巴爾既實力同發展潛力毋庸置疑，而皇馬將會斥資7000萬歐元收購佢既消都傳左唔係一日兩日，但係根據《鏡報》既最新消息，摩連奴主動要求阿布出手截留巴爾，甚至可能將報價提升到9​​300萬歐元，而且曼徹斯特雙雄都係到伺機而動，昔日既傷咸頓金童或者注定將會係今夏既轉會市場引起一陣旋風。
 希古恩 (皇家馬德里)
緋聞球會：阿仙奴、祖雲達斯
 
唔理今夏皇馬引進既係利雲杜夫斯基、蘇亞雷斯或者係其他邊位致命前鋒，阿根廷國腳希古恩都似乎注定將成為果個收拾行囊為新兵騰出位置既倒霉人，從目前既轉會傳聞黎講，最接近希古恩既係啱啱完成衛冕既意甲冠軍祖雲達斯，斑馬軍團可能以2500萬歐元左右既價格將佢引入。而作為老婦人頭號競爭對手既係雲加既阿仙奴。
蘇亞雷斯 (利物浦)
緋聞球會：曼城、皇馬、拜仁
 
從西班牙媒體既消息黎睇，蘇亞雷斯加盟皇馬既可能性已經極高，據稱銀河戰艦願意為蘇亞雷斯支付2500萬歐元，另外加多兩個青訓產品，但係利物浦方面仍然未最後鬆口。無緣聯賽冠軍多年既紅軍好難留得住呢位頂級前鋒，宜家既情況基本係價高者得，而能夠同皇馬展開競爭既係曼城，藍月亮希望打造阿古路加蘇亞雷斯既金牌組合。
 高美斯 (拜仁)
緋聞球會：車路士、拿坡里、佛倫天拿
 
從英國媒體既報導黎睇，高美斯係車路士轉會名單上扮演既角色係卡雲尼既後備人選，如果無辦法說服拿坡里出售烏拉圭人，藍軍既頭號尋槍目標將會轉向德國中鋒。而高美斯既去向似乎同卡雲尼密切相關，因為拿坡里同樣將佢視為出售卡雲尼之後補充鋒線既首選對象。同樣黎自意甲既佛倫天拿都有意引入高美斯，為既恐怕係彌補今季最終無緣歐聯賽場既遺憾。
 伊巴謙莫域 (巴黎聖日耳門)
緋聞球會：祖雲達斯、曼城
 
從今季尾開始，關於祖雲達斯將會重招伊巴謙莫域既講法就未停過，近日更有瑞典媒體聲稱為左重返老東家，瑞典神塔甚至願意接受五成降薪既條件，但係佢既經紀人已經明確否認左呢種可能，表示伊巴謙莫域將會繼續留係巴黎聖日耳門。但係即使祖雲達斯養唔起薪金高昂既伊巴謙莫域，好似曼城咁既財力雄厚球會如果搵到機會，恐怕都會向瑞典神塔發出邀請。
 維拿 (巴塞羅那)
緋聞球會：熱刺、阿仙奴、利物浦
 
尼馬既到來意味著維拿既告別，西班牙國腳最有可能既去處係英超賽場，據5月底出版既《每日體育報》透露，北倫敦雙雄熱刺以及阿仙奴都已經向巴塞提出報價，但係同西甲冠軍1400萬歐元既要求仲有一定既差距，而利物浦如果想加入競爭，恐怕要攞主力門將連拿作為交換籌碼。
 利雲杜夫斯基 (多蒙特)
緋聞球會：拜仁、皇馬、車路士、曼城、阿仙奴
 
追隨前球會隊友葛斯加盟拜仁，或者係波蘭前鋒最有可能既選擇，話哂留係德甲賽場對佢黎講風險相對較少，今季49場36球既效率令佢同樣成為英超諸強好似車路士、曼城、阿仙奴，乃至西甲豪門皇馬既目標，未滿25歲既多蒙特射手有望能夠係頂級強隊繼續成長。