今夏10大最貴轉會：蘇七8100萬封王 精選

歐洲聯賽夏季轉會窗口關閉，蘇亞雷斯以8100萬歐元身價成為今年夏天嘅標王。轉會費排名頭十嘅球員入面，有三人被曼聯簽下，分別係迪馬利亞、路基梳爾同安達靴里拉。
No1：蘇亞雷斯（利物浦-->巴塞） 身價：8100萬歐元

27歲嘅蘇亞雷斯雖然係巴西世界杯對陣意大利嘅小組賽入面因咬人而被禁止參加足球活動四個月，但巴塞都係砸下8100萬歐元將佢由利物浦帶走。係世界足球壇轉會費排行榜上，蘇亞雷斯都高居第三，僅次於皇馬嘅巴爾同C朗。
No2：占士洛迪古斯（摩納哥-->皇馬） 身價：8000萬歐元

占士洛迪古斯以8000萬歐元轉會費排名第二，只係比蘇亞雷斯少100萬歐元。 佢係本屆世界杯上最耀眼嘅新星，符合皇馬嘅引援標準，而前一個賽季摩納哥由波圖將其佢引入時只係用左4500萬歐元，一個賽季之後身價幾乎翻倍。 而佢都係世界足壇轉會紀錄中身價排名第4。
No3：迪馬利亞（皇馬-->曼聯） 身價：7495萬歐元

由於中前場球星擁擠，即管迪馬利亞上季為皇馬奪得歐聯立下赫赫戰功，但最終都係加盟左曼聯，轉會費都高達7495萬歐元，排名第三。其身價都躋身歷史前五。
No4：大衛雷斯（車路士-->巴黎聖日耳門） 身價：4950萬歐元
車路士將大衛雷斯賣左俾法甲豪門巴黎聖日耳門，呢個巴西國家隊主力中堅轉會費為4950萬歐元。而佢都打破左巴西國家隊隊友堤亞高斯華嘅後衛轉會費紀錄，成為歷史上身價最高後衛。
No5：文加拉（波圖-->曼城） 身價：4000萬歐元

由波圖加盟曼城嘅文加拉轉會費為4000萬歐元。文加拉2011年加盟波圖，三個賽季一共代表波圖出場92次，射入13個入球，跟隨法國隊參加巴西世界杯。No6：迪亞高哥斯達（馬體會-->車路士） 身價：3800萬歐元

即使迪亞高哥斯達係上季大出風頭，幫助馬體會獲得西甲聯賽冠軍同進入歐聯決賽，但佢由床單軍團轉會車路士，藍軍淨係用左3800萬。哥斯達已經係新賽季三場比賽中入四球，非常值得。
No7：山齊士（巴塞-->阿仙奴） 身價：3780萬歐元

25歲嘅山齊士之前效力於巴塞，係之前三季共代表球隊係聯賽中出場88場，入39球。巴西世界杯山齊士表現出色帶領智利殺入16強，自己出場4次入2球。係歐聯資格賽中，山齊士攻入致勝球幫助阿仙奴晉級，3780萬歐元嘅身價物有所值。
No8：路基梳爾（修咸頓-->曼聯） 身價：3750萬歐元
現年18歲嘅路基梳爾已經代表英格蘭打過3場國際比賽，佢係今屆世界杯中最年輕嘅上場球員。 2012年，路基梳爾係修咸頓完成左自己嘅英超處子秀，現今為止共為該隊係各項賽事中出場67次。路基梳爾都打破左之前由朗尼所保持嘅20歲以下球員最高轉會身價紀錄，不過加盟曼聯後就受傷。
No9：安達靴里拉（畢爾巴-->曼聯） 身價：3600萬歐元
24歲嘅安達靴里拉2011年由薩拉戈薩加盟至畢爾巴，共為球會出場128次入11球。安達靴里拉入選過西班牙U20、U21以及U23嘅各級國家隊，佢亦都係新帥雲高爾上任後嘅第一簽。
No10：盧卡古（車路士——愛華頓） 身價：3536萬歐元

上季盧卡古以租借身份加盟愛華頓，佢出場33次入16球，幫助球隊最終獲得英超第五名嘅成績單。盧卡古2011年8月加盟車路士，一共出場15次未有入球。