《幫幫手，借件波衫黎呀！》 精選

思考題：假如比賽沒帶波衫或者帶錯波衫，你會點做？

a) 番屋企拎
b) 問對方借後備球衣
c) 無波衫踢咩？拉隊走人
d) 去附近買翻版波衫頂住檔

大多數人會揀ａ同ｂ，只有唔尊重足球既人先會揀ｃ。然而Ｄ呢個選擇係最無可能會發生，因為要咁岩附近有檔攤，咁岩有成幾十件衫，咁岩又有咁多錢係身。而哥倫比亞既獨立聖達菲隊就係咁岩得咁橋「萬事具備」，揀左Ｄ。
話說聖達菲帶錯咗同主隊一樣顏色嘅波衫，但對面球隊捷高點都唔改着另一隻色就佢哋，於是佢哋只好去小販檔買啲每件約6蚊美金嘅老翻波衫俾球員着，而且仲要用紅色箱頭筆，喺啲波衫上寫名同冧巴。
（文字轉自蘋果日報）


睇下佢地原本件衫，其實都畫得幾似呀

最終聖達菲贏2:0，佢哋發言人柏保路加西亞仲好風騷咁話：「捷高唔肯幫手解決問題，仲諗住趁機會搵着數，所以我哋對於能夠贏2:0，覺得好開心囉。」


事實上唔只聖達菲隊係咁樣，連愛爾蘭既鄧尼都試過

上兩個月，錫週三對米禾爾比賽，但米禾爾既職員忘記帶球衣，一來一回趕唔切，唯有問主場既錫調三借球衣，咁就做成錫週三vs錫週三呢啲"同室操戈"既比賽。

仲有更經典既係無錢買球衣既小朋友，用原子筆係自己背上畫上自己喜愛既球員姓名和號碼，當做球衣。即使窮，但無阻對足球既熱愛！


（圖片轉自球迷世界）

其實對方唔借比你都無話可說，鬼叫出錯既係自己。所謂「幫你係人情，唔幫你係道理」。謹記今次教訓，第日唔好再犯錯啦！無謂要阿寶出動啦

新聞：
http://hk.apple.nextmedia.com/sports/art/20131023/18475141
http://www.joe.ie/football/football-news/pic-columbian-clubs-kit-man-forgets-kits-buys-replicas-and-draws-crude-numbers-on-them-instead/
足球說故事@http://facebook.com/footballtellstory

(轉載請列明出處)