每個星期六日既晚上，我都會坐定定係電腦面前等睇英超。對於我地呢啲比唔起錢同李澤楷玩金錢遊戲既普通人，一早上網搵定Link是常識吧？但今日，因為國際賽事，我連搵Link既機會都無。
雖知道搵Link既機會等同搵女朋友一樣，要係茫茫大海裡面搵到一個合適自己既對象真係唔容易，而家講既仲要係虛疑世界裡面搵一條稍為「清小小」、「唔lag」、「英文旁述」既頻道，可想而知，係難幾咁多！但為咗睇波，我地做球迷既唔會介意，仲會去到好盡，挖爛晒臉皮不斷問人比Link又成，為既係咩呀？都係想每個星期六晚，可以睇一睇球星踢波，過一個輕鬆又愉快，但又會令你好刺激既星期六晚渣！但係…..你同我講今個星期六因為要打國際賽而無英超、德甲或西甲播，個種心情係幾咁忐忑，幾咁唔知點知咁。
就好似一個行屍走肉既道友咁.....
我高興，我終於唔洗再係虛疑世界裡面尋寶；但同時我又失落於無得睇波。我期待左成個星期，就係等呢日既來臨，但你竟然同我講今日暫停球賽，等同我等左成個成季，終於等到有shake shake薯條，但你同我講shake shake粉賣晒，個個moment係幾咁失落，個情況係幾咁sad，幾咁世界末日。
有人話人好犯賤，有既時候唔珍惜，無咗既時候先黎後悔。但我想講，每一次我都好珍惜有得睇波既時刻，無論尋寶有幾咁辛苦，最後搵個條Link既旁述係完全聽唔明既俄文定印度文，兼且疾到嘔茄都好，我都仍然會死死地氣咁睇落去，因為我知道，呢個星期只有一日會比我有呢個機會去享受足球帶比我既快樂。
但係，我今晚只能夠對住十年如一日既無記，睇既仲要係已經ＯＵＴ晒ＤＡＴＥ既左倫右李演唱會（星期六），同睇玩到無野好耐既獎門人（星期日），呢一刻，不如一槍打死我．．．．
我而一刻先知道，無咗英超／德甲，西甲／意甲等直播既週末，原來係咁難頂………
而更加知道裝now既好處，就係可以自選睇番重播既賽事…..
即使係自欺欺人也好，但呢個星期六晚你可以享受足球帶比你既過期歡樂，至少，好過整晚坐係電腦裡面前，與家弟做健康運動操。
呢刻，只想大叫一句：我好頂癮，好想睇波呀！
足球說故事＠http://facebook.com/footballtellstory
(轉載請列明出處)
請按此登錄後留言。未成為會員? 立即註冊