《何不欣賞一下紐卡素嘅熱血同拚勁?》

足球說故事 於 12/02/2018 發表 收藏文章
當大家只係抽水山齊士空門不入、普巴踢到隱形、曼聯又輸一場,其實又幾多人換個角度,欣賞紐卡素全隊協防嘅血肉長城?


由首次亮相英超就零封曼聯嘅杜巴夫卡力挽狂瀾

到前面班防守球員用生命去擋波,即使空門都唔畀你入

以至係前鋒嘅D.Gayle角球回防接連兩下門前擋住馬迪爾嘅射波力保不失
全隊紐卡素都將士用命,有邊個唔係為咗贏波而不惜一切?


曼聯同紐卡素相比,擺明對方就係要守你,爭得一分得一分,連有時死撐嘅摩連奴都大讚對方:「對方像野獸般奮戰,當他們領先,全隊目標就是傾力保持不失球,我希望他們會視之為讚美。」
3護空門,1救單刀,你話曼聯冇運,但同時都可以係紐卡素死都唔認輸,而與其用泊大巴揶揄較弱一隊,倒不如真係欣賞下人哋點樣有紀律協助,一人走多一步,以拚勁彌補技術、陣容嘅不足,最後取得比目標更好嘅結果。

好多人話紐卡素呢3分全靠杜巴夫卡,但我更加認為呢場勝仗,係全隊紐卡素球員用拚勁、用決心、用熱血一齊贏返嚟!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→