摩連奴炮轟現代足球：教練要識「做騷」多過識贏波

土耳其勁旅費倫巴治主帥摩連奴近日接受專訪時大談現代足球生態，金句頻出直指當今球壇亂象。

土耳其未完之夢
「狂人」坦言在土超尚未贏得任何錦標，但強調：「我想繼續留在這裡，仍有好多工作要做。」這位曾奪得歐聯、英超等多項大賽冠軍的名帥，顯然對新挑戰充滿鬥心。

現代教練求生術
摩連奴狠批當今足球已變質：「而家最成功的唔係最識贏波嘅人，係最識包裝自己嘅人。教練變得更加難做，備戰方式、比賽本質都唔同晒，傳媒先係主角。」他更以招牌諷刺口吻說：「有教練話『我要為自己理念而死』？如果你真係咁做，你只係個傻瓜。而家嘅教練要識得適應手上嘅球員。」


英超質素下滑論
談及英超變化時，摩帥不忘抽水：「2004年我同賓尼迪斯登陸英超時，我哋都係歐聯冠軍。而家英超請嘅係啲冇贏過任何嘢、冇人識嘅教練。大家鍾意識『賣廣告』多過識贏波嘅人。」
世冠盃=巡迴騷？
對於剛落幕的世冠盃，摩連奴嗤之以鼻：「令我諗起當年帶皇馬同國米去美國踢嘅表演賽。與其話係精英賽事，不如話係夏季巡演。呢個冠軍只對車路士有用，因為佢哋可以賣多啲印住世冠盃臂章嘅波衫。」

來源：Canal 11