據西班牙傳媒報道，皇家馬德里高層對於巴西翼鋒洛迪高轉會市場反應冷淡感到意外，甚至失望。雖然球隊新帥沙比阿朗素上任後曾與洛迪高溝通，但戰術安排上仍沿用安察洛堤時代嘅模式，令呢位巴西國腳難以爭取正選。
沙比阿朗素偏愛雙箭頭陣式，但麥巴比同雲尼斯奧斯穩佔主力位置，加上新星古拿、安迪歷同世冠盃表現搶鏡嘅干沙路加西亞競爭，洛迪高只能長居後備，情況令佢相當沮喪。由於佢希望透過更多上陣機會爭取入選巴西國家隊出戰2026世界盃，因此今個轉會窗主動尋求離隊，而皇馬亦願意放人，前提係收到合理報價。
早前有傳英超多支豪門對洛迪高有興趣，但轉會窗開啟一個月後，竟然冇任何球隊提出正式報價，令皇馬高層大感不解。據悉，佢哋私下抱怨：「英超球會可以為啲二線球員豪擲6000-7000萬歐元，但對一位喺歐聯證明過自己嘅24歲巴西國腳卻猶豫不決，真係難以理解。」
洛迪高年紀輕輕，已經喺歐聯等大賽展現天賦，但此前皇馬標價1億歐元嚇退咗阿仙奴、車路士等潛在買家。為促成交易，皇馬可能將轉會費降至7000萬歐元，希望吸引英超球隊出手。
不過，皇馬同部分英超豪門關係一般，可能影響轉會進展。例如利物浦因皇馬免簽阿歷山大阿諾而關係緊張，而近期再傳皇馬有意免簽干拿迪，令雙方更難達成交易。至於阿仙奴同車路士，前者已簽入車路士新星馬度基，後者則忙於處理沙維西蒙斯同加拿祖嘅轉會，因此熱刺可能成為最有可能嘅下家。
如果洛迪高最終加盟熱刺，佢有望成為孫興慜嘅接班人，加強球隊邊路攻擊力。而7000萬歐元嘅價格，對英超球會嚟講，絕對係一單值得考慮嘅交易！
來源：Managing Madrid，Goal.com
沙比阿朗素偏愛雙箭頭陣式，但麥巴比同雲尼斯奧斯穩佔主力位置，加上新星古拿、安迪歷同世冠盃表現搶鏡嘅干沙路加西亞競爭，洛迪高只能長居後備，情況令佢相當沮喪。由於佢希望透過更多上陣機會爭取入選巴西國家隊出戰2026世界盃，因此今個轉會窗主動尋求離隊，而皇馬亦願意放人，前提係收到合理報價。
早前有傳英超多支豪門對洛迪高有興趣，但轉會窗開啟一個月後，竟然冇任何球隊提出正式報價，令皇馬高層大感不解。據悉，佢哋私下抱怨：「英超球會可以為啲二線球員豪擲6000-7000萬歐元，但對一位喺歐聯證明過自己嘅24歲巴西國腳卻猶豫不決，真係難以理解。」
洛迪高年紀輕輕，已經喺歐聯等大賽展現天賦，但此前皇馬標價1億歐元嚇退咗阿仙奴、車路士等潛在買家。為促成交易，皇馬可能將轉會費降至7000萬歐元，希望吸引英超球隊出手。
不過，皇馬同部分英超豪門關係一般，可能影響轉會進展。例如利物浦因皇馬免簽阿歷山大阿諾而關係緊張，而近期再傳皇馬有意免簽干拿迪，令雙方更難達成交易。至於阿仙奴同車路士，前者已簽入車路士新星馬度基，後者則忙於處理沙維西蒙斯同加拿祖嘅轉會，因此熱刺可能成為最有可能嘅下家。
如果洛迪高最終加盟熱刺，佢有望成為孫興慜嘅接班人，加強球隊邊路攻擊力。而7000萬歐元嘅價格，對英超球會嚟講，絕對係一單值得考慮嘅交易！
來源：Managing Madrid，Goal.com
請按此登錄後留言。未成為會員? 立即註冊