8/16 英超就開波喇!第一輪有咩戲碼?入尼睇下分析啦! 精選

英超8/16就開波喇~大家球迷都密切期待緊架喇!
頭場19:45就有:曼聯對史雲斯今場波大家就可以睇下曼聯係換左領隊之後係咪真係會有好既表現!而史雲斯係失去前鋒米祖後,另一前鋒邦尼都收其他大球會注視!不論士氣,人腳方面都係有影響!預料曼聯會輕鬆取勝!

22:00方面就有5場波!分別有:韋斯咸主場對熱刺今場波預計會係五五波!一向主場有優勢既韋斯咸,前鋒卡路爾又再傷過!幸好其他球員都無咩大變動!仲有好多新球員加盟!例如:贊堅臣!預料佢地爛仔波既踢法有力係熱刺身上拎到分!熱刺方面今季都無咩舉動!較大既只係係史雲斯身上簽下賓戴維斯!
另一場就有西布朗對新特蘭!英超轉會最活躍的球隊之一西布朗暫時已經簽下8人!可見佢地好希望係新一季有好既表現都上升排名!而新特蘭有神奇領隊普耶既戴領底下,神奇留低係英超!今屆佢地希望正式簽下波連尼增強實力!相信今場兩隊實力接近,有力一戰!
另一場次有史篤城對阿士東維拉史篤城今屆有前巴塞前鋒保贊加盟,相信佢地係進攻方面會有更全面!而維拉方面既變動就唔係好大~以史篤城主場既威力,我相信佢地能夠旗開得勝!
第4場就有昆士柏流浪對侯城昆士柏上季附加賽係打小一人底下勝出晉級,係今季就有雷米回歸,同埋里奧等等既球員加盟!實力大大上升!而侯城方面就失去左沙恩朗減低左攻力!但以實力尼講,相信昆士柏能夠係主取奪得分數!
第五場就有李斯特城對愛華頓上季有驚人表現既李斯特城係英冠玩哂,破左球會多項紀錄封王升上英超!好多人對佢地既期望都唔細!但今場對手係上屆都好勁既愛華頓!愛華頓今屆變動唔大!相信今場對佢地尼講會係一場硬仗!
凌晨方面,00:30就有阿仙奴對水晶宮阿仙奴今屆買人方面多左好多!引入山齊士等人~實力增強好多!對上作客麻麻既水晶宮!預計會輕鬆取勝!希望水晶宮能夠keep到上屆既表現,同阿仙奴一併啦!
17號方面!20:30就有:利物浦對修咸頓!兩隊上季表現都好好!利記就引入左前鋒林拔尼補上蘇7既離開!第一場佢就會倒戈番舊會!而修咸頓今屆面臨主力被搶購既問題,但係keeper方面就引入左些路迪門神費沙科士打,希望佢地能夠keep到上季既實力吧!預計利記今場能夠嬴波而回!
23:00就有紐卡素對上曼城!今屆轉會,紐記好積極!已經引入左六個人!但佢地都失去左前鋒雷米,迪保治等人!而曼城就簽左文加拉,沙格拿等等加強防守力!相信今屆實力都好強!相信今場曼城應該拎到三分走!
星期一凌晨獨腳戲就有般尼對車路士般尼上屆已第二名升班!轉會上無咩舉動,以上屆原班人馬戰英超!相信實力應該唔足以同車仔對戰!車仔今屆引人馬體會前鋒迪亞高哥斯達,巴塞中場法比仔等等!實力上升!相信今場取勝都無咩問題!!
希望大家多多支持小編!到https://www.facebook.com/kongballchannel比個Like支持下,入面有更多各地足球資訊賽果等等!