你會唔會都只係一個勝利球迷?! 精選

作為一名球迷,你會永遠支持球隊?定係嬴波既時候為面子先話係隊波既fans呢?!
我曾經聽過一個評述員講,當一支球隊有失利既時候你就離棄佢,係球隊勝利既時候,隊波唔需要你既支持!當然,一隊波踢得唔好既時候你有權發聲,表達你既不滿,但係你心裡面支持球隊既個一顆心係唔會變既!咁你先真係球隊既忠實粉絲!
以英超為例,小編係一名阿仙奴既粉絲!即使球隊比人話十年無冠,我都會支持隊波!係今年奪得足總盃既時候,自己都忍唔住喊出尼!可能你會覺得我好誇張!拎個冠軍姐洗唔洗咁丫!但我會覺得咁先顯示到你係真正支持一隊波!對佢有感情!之前幾年阿仙奴無冠,我的確係失望,但我總會覺得冠軍就只有一個,球員在場上既努力,更加需要我地球迷既支持增加佢地既力量!如果個個球迷都只係勝利既時候支持球隊,咁一隊波係失利既時候就好難企得番起身!至少我係隊波落後,什至失利既時候都會為隊波加油!輸波既時候同球谷既心情都會一樣難過!但至少我覺得咁樣先至係真正支持隊波!如果係隊波嬴左先支持佢既話,講真多你一個唔多,小你一個唔小!
如果你支持既球隊失利既時候,你當時會係點?!如果你做唔到係失利既時候支持自己球隊,咁你無資格話係個隊波既支持者!