曼城和利記最後奪標之路 精選

相信大家都好期待今晚既英超賽事~曼城現時以83分領先第二位既利記兩分,得失球方面仲要領先十幾球,不少球迷都認為冠軍已經係曼城既囊中之物。但係值得留意既一點係,曼城往往係重要既時候會因為太大既壓力而失準。例如:11/12年既最後一場曼城同樣係主場,面對實力唔強既昆士柏流浪,要到最後十分鐘連入兩球先能夠反勝,因此,曼城今場唔係無隱憂。對手既韋斯咸上場已2:0嬴左熱刺,顯示到佢地唔係無實力,而且曼城既後防今季不穩,應付卡路爾依種高大中鋒,隨時就會比對手壓制住。當然曼城既主場的確係有保證,所以即使後防出現問題,前線既攻擊力都應該能夠補充番。今場和既機會比較大，因為曼城處理壓力上真係麻麻,今場預計賽果:2:2
另一方面,利物浦就會對住踢緊風流波既紐卡素,相信利記強大既攻擊力之下,嬴今場比賽既問題應該唔大,但係同時佢地要面對既問題同樣係後防不穩,中堅史基土爾今季入球能力上升左,但係佢係同拍檔面對一啲快翼既時候就顯得出佢地好無默契同埋合作性,往往都會兩個同時集中左係持球者身上,漏睇左另一啲後上既球員,水晶宮既賽事就係最佳既例子。今場預計賽果:5:2

歡迎大家給予意見,我會陸續推出不同聯賽既意見分析同交流,特別會在賽後檢討上增加有關既分析。謝謝!