哥斯達黎加出線?!你又估唔估到?! 精選

相信哥斯達黎加能加係依組出線,賽前真係好難估到!因為同組有烏拉圭,英格蘭,意大利等等!
係第一輪哥斯達黎加擊敗烏拉圭已經令唔小人跌眼鏡!直至琴日再擊敗埋意大利取得出線!簡直就係難以置信!
而英格蘭亦因此宣佈出局!

點解佢地能夠擊敗烏拉圭同意大利?!對烏拉圭方面,烏拉圭由於有蘇亞雷斯既缺陣,加上烏拉圭既狂攻不果,令到哥斯達黎加係反擊上面既效果更明顯!佢地既戰術就係先穩守,再打快速反擊!有祖爾甘保不停既走位拉開防線,再就雷斯等後上球員有更多既空位後上!往往就會出現大量空位比佢地起腳!
而對意大利方面,由於意大利唔算係一支主攻型既球隊!而哥斯達黎友既中後場控球方面都做得唔錯,利用意大利對英格蘭既方式,以其人之道還至其人之身!不停消耗意大利球員既體力,而且單單一個巴神,係難以沖擊對方既後防!中上半場尾段,佢地把握到意大利後防體力下降,集中力不足之下頂入致勝既一球!其後一半場既防守,亦都逼到意大利只能夠係中場線傳球!所以佢地既前景的確值得期待!

相反英格蘭面對佢地反而會幾好踢!因為英格蘭有多個進攻點!而且英格蘭經過兩場後,可以針對性咁mark住雷斯同祖爾甘保!相信英格蘭能夠嬴波回歸既!