巴塞vs拜仁：
＊巴塞領隊錫迪安由第二十輪聯賽開始上任，剛好半季，以下數據亦是只計這下半季。最主要入球手段仍是高難度、亦可能係巴塞最引以為傲的從中路強行突入，不論小組配合又好，一記through ball 又好，個人突破又好，佔總入球的41%。
透過傳中入了8球，左邊6球，右邊2球，不論右閘施美度、羅拔圖助攻力都不及「左」迪艾巴，加上美斯雖然是今季西甲助攻王，惟踢法多數內切，數據合理。
沒錯巴塞很多時候都壓在對方後半場踢，反擊機會自然較少，但整個下半季只有一個反擊入球，也說不過去吧。錫迪安上任後共有6場比賽失分，除了西維爾0:0巴塞外，其餘5支令巴塞失分的球隊都不約而同地入到2球，傳統思維對巴塞都係盡量龜縮博個0:0攞一分，但這下半季反映出來，有能力、有膽色踢得主動啲嘅球隊，即使進攻不成，似乎也不必太懼怕現時的巴塞會造到靚反擊，反而隨時會有驚喜賽果。
＊防守方面，上段提及不用怕巴塞的反擊，數據上，係巴塞自己怕對方的反擊，平均每3個失球就有1個是來自對方反擊。
＊拜仁方面，與之前談論過的阿特蘭大、巴黎聖日耳門一樣，入球套路非常全面，瓣瓣掂。透過傳中入了18球，12球來自右邊，6球左邊，稍為右傾。
湯馬士梅拿是今季德甲助攻王，記得近年有段時間他被安排擔任右翼，被不少球迷勁鬧冇速度、又冇腳法出唔到波。有項數據幾有趣，助攻榜第二的辛曹只有35次傳中，第三的托根夏薩特只有29次傳中，而梅拿竟然有104次。憑個人技術、速度爆落底出波是一種踢法；與隊友配合，透過傳球、走位創造空間傳中都是一種踢法。題外話一句，碧咸都唔算快，亦唔算好扭得，不過佢啲傳中真係好得。
＊防守方面，費力克上任後角球、反擊各失了4個，各佔總失球的25%，亦即拜仁一半失球係關呢兩瓣事，都幾典型係弱隊偷雞入波的手段。
總括：
巴塞新領隊錫迪安今次似乎不是上了嘆世界的觀光旅遊「巴」，而是上了校「巴」，之前未執教過豪門的他，應該還有些東西須要上課學習。拜仁的費力克同樣中途接手，但帶出來的穩定性係好過巴塞，尤其離開主場後。強敵當前，費力克當然要費力諗計，美斯神起上嚟無人能擋，對位的估計會是經驗不多、卻令人覺得驚豔的阿方素戴維斯，淨係呢對都好睇，個人稍為看好拜仁。
曼城vs里昂：
＊曼城今季為球迷貢獻了102個入球供觀賞，比聯賽冠軍的利物浦還要入多17球。與之前提及過的阿特蘭大、巴黎聖日耳門、拜仁一樣，火力咁強的球隊，入球套路必然很全面。
有項數據幾有趣，曼城透過傳中球造成入波有26球，左邊10球，右邊16球，分別唔算好大，令小弟有點詫異的是，當中有6球頭槌入波，與傳統big 6 作比較的話，阿記1球、曼聯2球、熱刺2球、車仔4球、只有利記接應傳中頭槌頂入7球比曼城多。
曼城阿古路、加比爾捷西斯，連左右兩邊內切的進攻球員都不高，證明只要傳中落點準、隊友走位靚，身材不高一樣可以頭槌入波。其中一個經典的例子是1994世界盃四強－巴西vs瑞典（恕小弟品味差，不懂欣賞亦不甚期待這個聯賽），羅馬里奧在守衛不算多，但個個高頭大馬的瑞典禁區走個靚位接應傳中一頭定江山。
回想足總盃四強對阿仙奴，比賽後段阿記放棄邊線，調配人手將中路塞得密密麻麻，這情況莫說以加比爾捷西斯的質素，換個前輩羅馬里奧落去都未必揾到靚位走接應高波攻門，以曼城其他的中前場球員身型亦都衝不散阿記防線，該場阿記係演繹了一個很生活化的道理，一隻筷子一啪就斷，將十隻紮在一起呢？用多十倍力也未必拗得斷。曼城真的不考慮須要添置一個有能力、有經驗，黃昏期願意做後備的高中鋒留著變招嗎？
全季禁區外射門轟入對方12球（其中一球被守門員救出補入），以哥迪奧拿這樣新派的領隊，都有啲估唔到他會鼓勵球員搓唔入的時候多嘗試其實效率偏低的遠射。
馬列斯憑個人突破入了2球，統計上較少見，加盟曼城後他獲得的評價只算是毀譽參半，不過作為2016英格蘭PFA足球先生，個人質素始終有喺度。
＊防守方面，曼城被對方反擊入了8球，當中一半是在自己後場用波時被逼甩所失的。前場逼搶、拖慢縮後防反回氣，逼搶、防反……一段段交替著做，係好典型應付曼城這類球隊的策略。曼城逼搶戰術係出色，但當調轉自己後場用波的時候，其抗壓能力相信未達哥迪奧拿要求，有點能醫不自醫的味道。
＊里昂進攻方面，平均每3個入球就有1個源自中路突入。另一點值得注意的，是隊中名氣數一影二的迪比，與曼城馬列斯一樣憑個人突破入了2球。迪比已算是現時荷蘭國家隊主力，曼城的加比爾捷西斯則是巴西在2018世界盃的當家前鋒，再回想一吓他們的前輩，不禁慨嘆兩大傳統足球強國人才凋零。
28輪聯賽，憑非十二碼死球僅入了2球，一個角球、一個罰球斬中頭槌頂入，如此數據不論強隊弱隊都不算合格，里昂球迷應該會幾懷念P. 祖連奴。
＊防守方面，被對方中路突入、傳中造成入球各佔總失球約25％，對方左邊傳中入2球、右邊入5球，曼城馬列斯右腳都得，不過慣性多數都係內切，而獲加一時會爆落底、一時又會收返入中間串演類似防中的角色，里昂左路防守最要注意的，可能是走位相當靈活的迪布尼，他那些又急勁、落西又計算得啱啱好彎過守衛的傳中球會是一大殺著。Lyon 不要問迪布尼今夜你會不會來，係多數會來，就算嘜唔住都要來個及時擁抱tactical foul, 否則俾佢輕鬆出波就真係傻痴痴。
角球失了一球、open play 僅一次被對方頭槌破網，制空權不俗。以此推論，足總盃四強曼城對阿仙奴，對估計同樣會擺3中堅陣的里昂來說，是甚具參考價值的一場波，前柱、六碼線、十二碼點拉橫都要有人遮線，猶如將平時應付罰球的人牆企梳啲，轉90度擺half space, 逼曼城即使有傳中機會都要出高波會是上策。
總括：
4場八強戰當中，以曼、里這場牌面最為懸殊，但據報阿古路趕不及傷癒並沒隨隊，恕小弟認為加比爾捷西斯比起阿古路差得多，另外阿記亦示範了大巴泊得好、臨場有啲運、守門員不發波瘟，係有機會令曼城老鼠拉龜。里昂方面，他們不像上場皇馬礙於形勢起碼要入2球，危危乎都唔想嘥波要強行用波，結果被曼城逼到華拉尼梅開二度出事。以辦公室作比喻，上司坐於高位壓逼，做下屬嘅先不要硬碰，做下耙位踢吓擦鞋仔波有波就清，靜待一個反擊機會，相信會是不少人的心聲吧。今場里昂沒有什麼首回合比數要計算、亦沒有皇馬般的包袱唔可以踢得太醜陋，有時不用想太多，擺明做個下耙位可能更有利球隊執行戰術，哥迪奧拿近屆歐聯出局後，都有些評論認為哥帥就係因為想得太多。覺得即使曼城最終晉級，過程都未必會如想像般咁予取予攜，甚至可能要加時。若果能夠不怯場初段頂得住的話，Lyon 愈夜愈有機。
專頁連結：https://www.facebook.com/football.on.the.ground/
喜歡這文章的話，請不要吝嗇按個Like 及Share, thank you !
＊巴塞領隊錫迪安由第二十輪聯賽開始上任，剛好半季，以下數據亦是只計這下半季。最主要入球手段仍是高難度、亦可能係巴塞最引以為傲的從中路強行突入，不論小組配合又好，一記through ball 又好，個人突破又好，佔總入球的41%。
透過傳中入了8球，左邊6球，右邊2球，不論右閘施美度、羅拔圖助攻力都不及「左」迪艾巴，加上美斯雖然是今季西甲助攻王，惟踢法多數內切，數據合理。
沒錯巴塞很多時候都壓在對方後半場踢，反擊機會自然較少，但整個下半季只有一個反擊入球，也說不過去吧。錫迪安上任後共有6場比賽失分，除了西維爾0:0巴塞外，其餘5支令巴塞失分的球隊都不約而同地入到2球，傳統思維對巴塞都係盡量龜縮博個0:0攞一分，但這下半季反映出來，有能力、有膽色踢得主動啲嘅球隊，即使進攻不成，似乎也不必太懼怕現時的巴塞會造到靚反擊，反而隨時會有驚喜賽果。
＊防守方面，上段提及不用怕巴塞的反擊，數據上，係巴塞自己怕對方的反擊，平均每3個失球就有1個是來自對方反擊。
＊拜仁方面，與之前談論過的阿特蘭大、巴黎聖日耳門一樣，入球套路非常全面，瓣瓣掂。透過傳中入了18球，12球來自右邊，6球左邊，稍為右傾。
湯馬士梅拿是今季德甲助攻王，記得近年有段時間他被安排擔任右翼，被不少球迷勁鬧冇速度、又冇腳法出唔到波。有項數據幾有趣，助攻榜第二的辛曹只有35次傳中，第三的托根夏薩特只有29次傳中，而梅拿竟然有104次。憑個人技術、速度爆落底出波是一種踢法；與隊友配合，透過傳球、走位創造空間傳中都是一種踢法。題外話一句，碧咸都唔算快，亦唔算好扭得，不過佢啲傳中真係好得。
＊防守方面，費力克上任後角球、反擊各失了4個，各佔總失球的25%，亦即拜仁一半失球係關呢兩瓣事，都幾典型係弱隊偷雞入波的手段。
總括：
巴塞新領隊錫迪安今次似乎不是上了嘆世界的觀光旅遊「巴」，而是上了校「巴」，之前未執教過豪門的他，應該還有些東西須要上課學習。拜仁的費力克同樣中途接手，但帶出來的穩定性係好過巴塞，尤其離開主場後。強敵當前，費力克當然要費力諗計，美斯神起上嚟無人能擋，對位的估計會是經驗不多、卻令人覺得驚豔的阿方素戴維斯，淨係呢對都好睇，個人稍為看好拜仁。
曼城vs里昂：
＊曼城今季為球迷貢獻了102個入球供觀賞，比聯賽冠軍的利物浦還要入多17球。與之前提及過的阿特蘭大、巴黎聖日耳門、拜仁一樣，火力咁強的球隊，入球套路必然很全面。
有項數據幾有趣，曼城透過傳中球造成入波有26球，左邊10球，右邊16球，分別唔算好大，令小弟有點詫異的是，當中有6球頭槌入波，與傳統big 6 作比較的話，阿記1球、曼聯2球、熱刺2球、車仔4球、只有利記接應傳中頭槌頂入7球比曼城多。
曼城阿古路、加比爾捷西斯，連左右兩邊內切的進攻球員都不高，證明只要傳中落點準、隊友走位靚，身材不高一樣可以頭槌入波。其中一個經典的例子是1994世界盃四強－巴西vs瑞典（恕小弟品味差，不懂欣賞亦不甚期待這個聯賽），羅馬里奧在守衛不算多，但個個高頭大馬的瑞典禁區走個靚位接應傳中一頭定江山。
回想足總盃四強對阿仙奴，比賽後段阿記放棄邊線，調配人手將中路塞得密密麻麻，這情況莫說以加比爾捷西斯的質素，換個前輩羅馬里奧落去都未必揾到靚位走接應高波攻門，以曼城其他的中前場球員身型亦都衝不散阿記防線，該場阿記係演繹了一個很生活化的道理，一隻筷子一啪就斷，將十隻紮在一起呢？用多十倍力也未必拗得斷。曼城真的不考慮須要添置一個有能力、有經驗，黃昏期願意做後備的高中鋒留著變招嗎？
全季禁區外射門轟入對方12球（其中一球被守門員救出補入），以哥迪奧拿這樣新派的領隊，都有啲估唔到他會鼓勵球員搓唔入的時候多嘗試其實效率偏低的遠射。
馬列斯憑個人突破入了2球，統計上較少見，加盟曼城後他獲得的評價只算是毀譽參半，不過作為2016英格蘭PFA足球先生，個人質素始終有喺度。
＊防守方面，曼城被對方反擊入了8球，當中一半是在自己後場用波時被逼甩所失的。前場逼搶、拖慢縮後防反回氣，逼搶、防反……一段段交替著做，係好典型應付曼城這類球隊的策略。曼城逼搶戰術係出色，但當調轉自己後場用波的時候，其抗壓能力相信未達哥迪奧拿要求，有點能醫不自醫的味道。
＊里昂進攻方面，平均每3個入球就有1個源自中路突入。另一點值得注意的，是隊中名氣數一影二的迪比，與曼城馬列斯一樣憑個人突破入了2球。迪比已算是現時荷蘭國家隊主力，曼城的加比爾捷西斯則是巴西在2018世界盃的當家前鋒，再回想一吓他們的前輩，不禁慨嘆兩大傳統足球強國人才凋零。
28輪聯賽，憑非十二碼死球僅入了2球，一個角球、一個罰球斬中頭槌頂入，如此數據不論強隊弱隊都不算合格，里昂球迷應該會幾懷念P. 祖連奴。
＊防守方面，被對方中路突入、傳中造成入球各佔總失球約25％，對方左邊傳中入2球、右邊入5球，曼城馬列斯右腳都得，不過慣性多數都係內切，而獲加一時會爆落底、一時又會收返入中間串演類似防中的角色，里昂左路防守最要注意的，可能是走位相當靈活的迪布尼，他那些又急勁、落西又計算得啱啱好彎過守衛的傳中球會是一大殺著。Lyon 不要問迪布尼今夜你會不會來，係多數會來，就算嘜唔住都要來個及時擁抱tactical foul, 否則俾佢輕鬆出波就真係傻痴痴。
角球失了一球、open play 僅一次被對方頭槌破網，制空權不俗。以此推論，足總盃四強曼城對阿仙奴，對估計同樣會擺3中堅陣的里昂來說，是甚具參考價值的一場波，前柱、六碼線、十二碼點拉橫都要有人遮線，猶如將平時應付罰球的人牆企梳啲，轉90度擺half space, 逼曼城即使有傳中機會都要出高波會是上策。
總括：
4場八強戰當中，以曼、里這場牌面最為懸殊，但據報阿古路趕不及傷癒並沒隨隊，恕小弟認為加比爾捷西斯比起阿古路差得多，另外阿記亦示範了大巴泊得好、臨場有啲運、守門員不發波瘟，係有機會令曼城老鼠拉龜。里昂方面，他們不像上場皇馬礙於形勢起碼要入2球，危危乎都唔想嘥波要強行用波，結果被曼城逼到華拉尼梅開二度出事。以辦公室作比喻，上司坐於高位壓逼，做下屬嘅先不要硬碰，做下耙位踢吓擦鞋仔波有波就清，靜待一個反擊機會，相信會是不少人的心聲吧。今場里昂沒有什麼首回合比數要計算、亦沒有皇馬般的包袱唔可以踢得太醜陋，有時不用想太多，擺明做個下耙位可能更有利球隊執行戰術，哥迪奧拿近屆歐聯出局後，都有些評論認為哥帥就係因為想得太多。覺得即使曼城最終晉級，過程都未必會如想像般咁予取予攜，甚至可能要加時。若果能夠不怯場初段頂得住的話，Lyon 愈夜愈有機。
專頁連結：https://www.facebook.com/football.on.the.ground/
喜歡這文章的話，請不要吝嗇按個Like 及Share, thank you !
請按此登錄後留言。未成為會員? 立即註冊