[純有感而發]-「足球」不見了?


有冇人發覺人越大,一大班friend踢波既機會就越少。

初初踢波既時候,每個人都好擁躍,嗰個都會即刻覆去,然後係球場柒下柒下,憨憨尻尻咁笑吓挽吓,笑你控甩波,踩波車,抄飛機,咁就一個晏就,笑住去XK/7-12到自由斟,斟到覺得夠皮先走,返到屋企仲覺得到唔夠喉,轉移陣地去fifa繼續踢。

到左今時今日,約齊10個人去踢已經覺得好amazing,可能真係成長左,好多野已經比快樂更加重要,例如,學業,愛情...甚或乎其他原因,可能係,麥麥同乜乜係情敵,乂乂唔妥淼淼,或者係一啲好令搞手激氣既神級回覆,所謂既「齊人就黎」或者「胤胤黎,我就黎」,心諗齊人就黎?姐係你唔當自己係人啦~?仲有,你唔黎又點齊人阿。好啦,好唔容易去踢波,先發覺當年既歡笑聲,已經埋沒於一片片既屌人聲,個個都以為自己雲加摩佬哥帥係咁屌人,走位啦...比大力啲拉...乜乜乜~其他就不斷show腳法,入左波堯到呢。踢完波之後既活動已經冇哂,變哂「約左條囡,走先」。已經冇人記起當年既笑聲係幾咁爽,幾咁正。

成長,究竟好定唔好...?冇人可以比一個指定答案你,但成長的而且確地蠶食緊你既快樂,或者踢波已經比唔到快樂比你。係!踢波其實好憨尻,十幾個人圍住一塊包左空氣既膠係度踢黎踢去,但係其實最爽係你一句我一句,全場都笑,啲gag喺某年某月又攞反出黎講,又笑一餐。

揾返一開始踢波既果種態度,可能咁先會真正既享受足球。回味返何解咁多運動唔㨂,而選擇左足球。


_________________________________________________________________________
希望大家多多支持

去facebook like我地啦:
足球王道 Football Kingly Way

如果大家想借呢個page發表意見既話,請Click入以下呢條Link: http://goo.gl/forms/jDYAZ8b1werWauzv2

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→