體育精神救人一命！十個球場上公義嘅時刻 精選

有時睇波都會睇到眼火爆，成日見到呢個插水，嗰個就批掙打人，係真係幾不君子。

但係喺足球場上，除左唔要得嘅抽水搏懵之類，呢啲小事之外，一到左大是大非嘅時刻，大部分球員依然會選擇公義多過自己嘅利益，亦都真係足球至今依然偉大嘅地方。有時呢啲體育精神嘅行動，唔止係維持公義、賺到名聲，或者贏得對手尊重咁簡單，甚至係可以救人一命。

年關將至，又一齊睇吓網友剪輯場上十個彰顯體育精神嘅經典時刻，祝大家新年齊齊整整，一團和氣。
https://www.youtube.com/watch?v=1WtyJO9R3I0
10. 佩奧爾保護返批掙打自己嘅對手，擋住想郁手嘅細哨。
9. C朗解圍時省中球迷，事後送返件波衫安慰佢。
8. 挪威聯賽，白蘭恩意外入左對手一球，事後比對手任入返一球。7. 2001年拜仁贏到歐聯，簡尼第一時間唔係慶祝，係安慰對方門將簡尼沙里斯。
6. 細哨入波後，第一時間將波衫送比一位有殘疾嘅球迷。
5. 03年香港賀歲杯，伊朗球員因為有誤會喺禁區執起個波被罰十二碼，挪威球員韋確斯故意射失。
4. 舒夫真高阻止保安粗暴對待一個闖入球場嘅球迷，仲送左件波衫比佢。
3. 高路斯用手拍左個波入網，球證見唔到判左入球有效，高路斯當場即刻承認，入球取消。
2. 當時效力雲達不來梅嘅亨特，喺禁區入面自己跌倒，球證判左十二碼，佢自己解釋返比球證聽唔係十二碼。
1. 格魯吉亞球員jaba kankava，見對手倒地暈左即刻上前急救，原來倒地球員條脷塞住喉嚨窒息，kankava及時幫佢順返呼吸，救人一命。