繼續同大家講下歐聯先，剛剛周二既歐聯其實呢就好多亮點，當中就一定係呢場曼城對羅馬。因為兩軍都有一名似曾相識既舊相好，講緊既就係曼城既林伯特同羅馬既艾殊利高爾啦。今場正好係他們既久別重逢，好似王家衛大導咁講，世間所有既相遇，都係久別重逢！
仲記得呢八年近十年嚟，泰利、林伯特、艾殊利高爾就好似三國既劉關張咁，一樣咁合拍，守住了車路士的大門同命脈。不過自從今季既藍軍大地震之後，剩番泰利係度，好不寂寞呀。不過仲難堪既就係，之前林伯用借將身份加盟曼城，而且仲攻入咗老東家一球，呢個畫面就真係令唔少球迷無盡空虛啦。
講番今場波先，兩軍最後就打和各得一分，不過呢，其實艾殊利高爾都一早講咗，無法想像要同林伯做敵人呀，始終多年戰友呀嘛。但係林伯同艾殊利高爾就係賽後好好擁抱重聚，而且仲又攬又拍膊頭。呢個畫面真係令人唏噓，而且仲諗起仍留在車路士既泰利呀！
請按此登錄後留言。未成為會員? 立即註冊