風車不再旋轉

荷蘭,曾是歐洲列強之一,出產無數經典球星,遠有告魯夫、三劍俠、古華特;中有雲尼斯特萊、柏金;再近一些,史尼達、雲佩斯、洛賓都是獨當一面的球星。但近年,荷蘭國家隊成熟持續低迷,非但缺席2016歐國盃,在2018世界盃外圍實也是汲汲可危。在本土球會中,本地新星發展平淡,在外亦無突出表現。如何,才成拯救這一潭死水?
再無球星
要數荷蘭球星,我想大家都仍在說史尼達雲佩斯,但其實兩人已流浪至土耳其搵食,在歐聯16強中,也僅有洛賓一名荷蘭人,仍在所屬球會踢上主力。球迷有很高期望的迪比、雲遜贊臣,都在所屬球會站不住陣腳(迪比現在好了點),隨著舊一代球星們退去,荷蘭的90後是出現斷層的。
領隊問題
5月8日,艾禾卡特第3次出任荷蘭領隊。但球迷都會知道,他並不是一個出聚的教頭,相比前人希汀克、雲高爾等人,他的執教生涯無什麼亮點,對上兩次執教也是有許多批評的聲音,如在2004年歐國盃中,他便因錯換洛賓而被捷克逆轉,相信有點波齡的球迷們都不會感到陌生。但放眼歐洲,有實力的荷蘭教頭實在不多,雲高爾、希汀克已退下來,列卡特、迪保亞、高古、高文等踢而優則教的都不是頂班貨色。反是雲邦賀斯有點看頭,他剛領飛燕諾重奪失落18年的甲組冠軍,壓倒活力十足的阿積士稱王,但他尚需更多時間來證明自己。

從阿積士中找出路?
阿積士今季爆發青春風暴,一聚年輕人在歐霸盃中闖入決賽,隊中不少三線新星,都是荷蘭人,如後防查洛列迪禾特(20歲)、迪列治(16歲)、辛格拉雲(21歲);中場雲達碧克(20歲)和名將之後祖斯甸古華特(18歲),都是荷蘭未來的希望。阿積士是荷蘭的星工廠,光是本土球星,近代如史尼達、迪莊、施多夫、雲達華治都是他們的出品,雖然他們的青訓越來越全球化,但荷蘭的未來,還是依靠他。

如果喜歡我們的文章,請即分享到︰

標籤: 荷蘭  史尼達  雲佩斯  

留言

會員
我要評論
請按此登錄後留言。未成為會員? 立即註冊
  • rickytct
    rickytct 於 01/06/2017 評論 NO. 1

    個標題幾好

  • Netherlandsfans
    Netherlandsfans 於 01/06/2017 評論 NO. 2

    列馬倫係芬蘭人

  • Jason514
    Jason514 於 01/06/2017 評論 NO. 3

    一個國家靠一間球會青訓出人?😂

  • Li Wing Kin Alfred
    Li Wing Kin Alfred 於 01/06/2017 評論 NO. 4

    要數經典球星,真係排隊去到尾先見到古華特
    列卡特喺巴塞贏盡冠軍,朗奴高文喺修頓同愛頓都帶得好

  • 閒雲野鶴
    閒雲野鶴 於 02/06/2017 評論 NO. 5

    柏金同古華特係同一個年代㗎啵,98世界盃一齊打正選?

  • 閒雲野鶴
    閒雲野鶴 於 02/06/2017 評論 NO. 6

    以荷蘭國家隊嚟講,古華特都算係雲巴士頓之後、雲尼斯特萊之前,最高效嘅射手。嗰個年代之中多產嘅荷蘭國家仲有哈索賓基同雲浩當,但佢哋都係踢球會叻,喺國家隊就無甚佳作。古華特喺98世界盃以及2000歐國盃都有數過糊,算佢係一號人物啦

  • kinfung
    kinfung 於 02/06/2017 評論 NO. 7

    Fung chan,天才你文盲泥?筆者話歐聯16強既球隊入面得洛賓一個系所屬球會主力,阿積士又入到歐聯16強,又入到歐霸決賽?我好亂呀師兄,吾好用屎眼睇野好不,系要衝出泥柒既天才

  • kinfung
    kinfung 於 02/06/2017 評論 NO. 8

    仲有筆者系話球迷有很高期望既荷蘭球員,對球迷對卡拉臣期望很高?你講出泥笑吾笑呀,系都系球迷對史杜特文同韋拿杜姆期望高啦下話,ching其實你識得幾多個現役荷蘭球員呀

  • 閒雲野鶴
    閒雲野鶴 於 02/06/2017 評論 NO. 9

    史譚之後比較出色嘅中堅,有希汀加,不過佢未去到超一流嘅水準,而且又係國家隊嘅表現冇踢球會咁出眾。如果要搵荷蘭國家隊中堅新希望,修咸頓嘅雲迪克啦。不過荷蘭中前埸都係缺乏大將接班,所以最近一兩年嘅成績差亦算係合乎情理。

  • 閒雲野鶴
    閒雲野鶴 於 03/06/2017 評論 NO. 10

    一隊國家隊前中後加埋有七八個正值壯年嘅世界級球星,理論上已經好有競爭力。98年嗰隊荷蘭簡直就係夢幻名星隊、有今生冇來世,咁完美嘅陣容都贏唔倒當屆冠軍係幾咁令人惋惜。

快捷鍵:←
快捷鍵:→