潛水多時，十分抱歉。
今晚同一班多蒙特球迷喺倫敦觀賞歐聯八強次回合多蒙特作客摩納哥嘅賽事。開波前鬼佬Ben說"I have a good feeling about this". 結果開波兩分鐘就失波。
最後兩回合同昨晚嘅拜仁一樣6-3出局，歐聯四強將唔會有德甲球隊。
有幾樣野想講下。
1. 性感後防
多蒙特後防積弱已經唔係新鮮事。即使Hummels無離開，Bartra無受傷都係咁話。
兩回合失嘅6球入面，全部都係自己防守失誤：
1. (雖然越位) 右閘失位比人輕鬆出波
2. Bender烏龍
3. Piszczek 送禮
4. Piszczek 冇pressure + Bürki打出不遠
5. Ginter眼神防守
6. Piszczek再送禮
Tuchel跟隨哥迪奧拿學習tiki taka, 球隊進攻流暢度明顯有改善，但在防守端上，Tuchel似乎有些則束手無策。Tuchel今季多次採用3中堅陣式，但各球員之間的分工，溝通，技術調節等等完全無相關理念。以兩星期前聯賽被拜仁擊敗一仗為例，禁區企滿人，但就偏偏冇人睇Ribery, 導致被其輕鬆射入；Piszczek明顯唔係踢中堅嘅材料，兩回合連送兩禮，都已經唔講佢自從2013年歐聯決賽後水準已大幅下滑；Schmelzer本身技術欠奉，踢左翼衛一角顯得老鼠拉龜，攻不銳守不穩，更被Robben玩弄於掌股之間；Burki每逢大賽都信心欠奉，但登大雅之堂。
防守是一整個體系的事，唔係見人排3中堅你就排3中堅。Tuchel喺防守上明顯功力不足。
順帶一提，Bender Ginter Subotic都係未及水平嘅中堅，我曾經為多蒙特成功簽下Ginter而感到雀躍，但機會比足，Ginter屢次犯錯，我判斷今個夏天是時候放走該三名球員。
已確認簽入嘅Toprak會唔會有幫助？都係果句，冇軟件配合，多麼出色的硬件也是枉然。
2. 精神面貌疲弱，態度頑劣
我深愛嘅女朋友本身會同我一齊睇呢場波，但學校臨時有突擊deadline, 作為獨立自主女強人嘅佢，當然要專注學業，我所以自己一支公去睇波。
完場後，我以手機短訊告知女朋友多蒙特輸波出局一事，佢回覆『係對手踢得好定多蒙特喳呀』，我回覆後者，女友『咁無辦法啦』。
同樣係兩回合計以6－3落敗，但假若我係拜仁球迷的話，我會回覆『係呀，球隊已經盡咗力，兩場都打少個，戰至最後一兵一卒，我以佢哋為榮』。
但可惜，望見多蒙特嘅表現下，『球員態度差，完全冇鬥心，眼裡完全冇火，我仲可以有咩辦法？』
打開多蒙特whatsapp group, 望見『Reus踢得好錫身』『真係唸住輸少當贏』『轉睇祖記算』『禁區就如地鐵站 話入就入』，都唔需要多解釋。
論實力，出最強陣的話多蒙特唔會比歐洲列強如皇馬巴塞拜仁祖雲PSG等弱，但強強對碰下心態往往就係分水嶺。睇得德國波多都知道，拜仁無論個陣容幾殘缺都好，班球員行出嚟就係自信滿滿，食硬你咁款。呢個係精神面貌。
Hummels Boateng未完全傷癒都紮住踢, Neuer骨折都頂硬上, 面對不公平判決都做好自己，呢啲係專業態度。相反多蒙特俾我見到嘅嘢：
對於態度頑劣，我想點名批評Aubameyang。呢名球員球場上建設匱乏，破壞有餘：
如果有朋友直至現時仍然打算以上星期嘅恐怖襲擊作為球隊表現惡劣嘅藉口的話，我會建議你停止呢個諗法：專業球員就係要有專業嘅表現，唔可以比呢幾個人情感影響到，完。
本地著名阿仙奴暨多蒙特球迷袁文傑先生喺網台節目中表示多蒙特似阿仙奴：都係冇鬥心，都係樂於settle前4穩奪歐聯資格，都係一班少爺兵 （詳細請於 https://youtu.be/vYj1n4WOwJc 收聽）。
但係我認為多蒙特嘅不思進取比阿仙奴更加嚴重，起碼阿仙奴會潛入Özil Sanchez等球星，多蒙特嘅高層最叻都只係扭計話比拜仁蝦。
承接落我下一個論點，有睇我之前文章嘅朋友都知我絕對唔鐘意拜仁。但如果大家真係抱住多蒙特係因為比拜仁買晒啲主力球員所以踢得差的話，我亦都係會建議大家停止呢種想法。比你Hummels, Lewandowski, Golden Boy Götze全部在陣，我唔認為結果會改變。球員態度差源自於高層嘅胸無大志。上個夏天售賣Hummels Mkhitaryan Gundogan套現超過1億歐羅，但卻銳意打造青春班，寄望他朝一日球員成才可以套現獲利。你要挑戰拜仁德國霸主地位，你就要買入一線即食球員，但上個夏天買入名氣最大嘅Schürrle, 似乎都係緊張有幾多個like多啲。
一隊球隊無上進心起上嚟，可以好恐怖。
結論
Tuchel需唔需要走？只能夠講我會想高層Zorc Watkze走多啲。
支持我嘅就like我個facebook page啦
https://www.facebook.com/bangtaikaumai
今晚同一班多蒙特球迷喺倫敦觀賞歐聯八強次回合多蒙特作客摩納哥嘅賽事。開波前鬼佬Ben說"I have a good feeling about this". 結果開波兩分鐘就失波。
最後兩回合同昨晚嘅拜仁一樣6-3出局，歐聯四強將唔會有德甲球隊。
有幾樣野想講下。
1. 性感後防
多蒙特後防積弱已經唔係新鮮事。即使Hummels無離開，Bartra無受傷都係咁話。
兩回合失嘅6球入面，全部都係自己防守失誤：
1. (雖然越位) 右閘失位比人輕鬆出波
2. Bender烏龍
3. Piszczek 送禮
4. Piszczek 冇pressure + Bürki打出不遠
5. Ginter眼神防守
6. Piszczek再送禮
Tuchel跟隨哥迪奧拿學習tiki taka, 球隊進攻流暢度明顯有改善，但在防守端上，Tuchel似乎有些則束手無策。Tuchel今季多次採用3中堅陣式，但各球員之間的分工，溝通，技術調節等等完全無相關理念。以兩星期前聯賽被拜仁擊敗一仗為例，禁區企滿人，但就偏偏冇人睇Ribery, 導致被其輕鬆射入；Piszczek明顯唔係踢中堅嘅材料，兩回合連送兩禮，都已經唔講佢自從2013年歐聯決賽後水準已大幅下滑；Schmelzer本身技術欠奉，踢左翼衛一角顯得老鼠拉龜，攻不銳守不穩，更被Robben玩弄於掌股之間；Burki每逢大賽都信心欠奉，但登大雅之堂。
防守是一整個體系的事，唔係見人排3中堅你就排3中堅。Tuchel喺防守上明顯功力不足。
順帶一提，Bender Ginter Subotic都係未及水平嘅中堅，我曾經為多蒙特成功簽下Ginter而感到雀躍，但機會比足，Ginter屢次犯錯，我判斷今個夏天是時候放走該三名球員。
已確認簽入嘅Toprak會唔會有幫助？都係果句，冇軟件配合，多麼出色的硬件也是枉然。
2. 精神面貌疲弱，態度頑劣
我深愛嘅女朋友本身會同我一齊睇呢場波，但學校臨時有突擊deadline, 作為獨立自主女強人嘅佢，當然要專注學業，我所以自己一支公去睇波。
完場後，我以手機短訊告知女朋友多蒙特輸波出局一事，佢回覆『係對手踢得好定多蒙特喳呀』，我回覆後者，女友『咁無辦法啦』。
同樣係兩回合計以6－3落敗，但假若我係拜仁球迷的話，我會回覆『係呀，球隊已經盡咗力，兩場都打少個，戰至最後一兵一卒，我以佢哋為榮』。
但可惜，望見多蒙特嘅表現下，『球員態度差，完全冇鬥心，眼裡完全冇火，我仲可以有咩辦法？』
打開多蒙特whatsapp group, 望見『Reus踢得好錫身』『真係唸住輸少當贏』『轉睇祖記算』『禁區就如地鐵站 話入就入』，都唔需要多解釋。
論實力，出最強陣的話多蒙特唔會比歐洲列強如皇馬巴塞拜仁祖雲PSG等弱，但強強對碰下心態往往就係分水嶺。睇得德國波多都知道，拜仁無論個陣容幾殘缺都好，班球員行出嚟就係自信滿滿，食硬你咁款。呢個係精神面貌。
Hummels Boateng未完全傷癒都紮住踢, Neuer骨折都頂硬上, 面對不公平判決都做好自己，呢啲係專業態度。相反多蒙特俾我見到嘅嘢：
- 傳波無默契
- 55波永遠唔會去搶
- 比波求其一腳
- 失波後無人嗌，無人試圖團結隊波
- 球員對於失波好似都冇乜所謂了
對於態度頑劣，我想點名批評Aubameyang。呢名球員球場上建設匱乏，破壞有餘：
- 同Schalke嘅打比戰入面損害球隊利益式申請黃牌
- 從來唔會主動搶點，淨係會等波到
- 懶惰，經常越位，冇留神隊友交波俾佢
- 相對球場上成就，佢似乎更加著緊自己嘅social media post有幾多個like
- 浮誇造作，標奇立異
- 教壞Dembele
如果有朋友直至現時仍然打算以上星期嘅恐怖襲擊作為球隊表現惡劣嘅藉口的話，我會建議你停止呢個諗法：專業球員就係要有專業嘅表現，唔可以比呢幾個人情感影響到，完。
本地著名阿仙奴暨多蒙特球迷袁文傑先生喺網台節目中表示多蒙特似阿仙奴：都係冇鬥心，都係樂於settle前4穩奪歐聯資格，都係一班少爺兵 （詳細請於 https://youtu.be/vYj1n4WOwJc 收聽）。
但係我認為多蒙特嘅不思進取比阿仙奴更加嚴重，起碼阿仙奴會潛入Özil Sanchez等球星，多蒙特嘅高層最叻都只係扭計話比拜仁蝦。
承接落我下一個論點，有睇我之前文章嘅朋友都知我絕對唔鐘意拜仁。但如果大家真係抱住多蒙特係因為比拜仁買晒啲主力球員所以踢得差的話，我亦都係會建議大家停止呢種想法。比你Hummels, Lewandowski, Golden Boy Götze全部在陣，我唔認為結果會改變。球員態度差源自於高層嘅胸無大志。上個夏天售賣Hummels Mkhitaryan Gundogan套現超過1億歐羅，但卻銳意打造青春班，寄望他朝一日球員成才可以套現獲利。你要挑戰拜仁德國霸主地位，你就要買入一線即食球員，但上個夏天買入名氣最大嘅Schürrle, 似乎都係緊張有幾多個like多啲。
一隊球隊無上進心起上嚟，可以好恐怖。
結論
Tuchel需唔需要走？只能夠講我會想高層Zorc Watkze走多啲。
支持我嘅就like我個facebook page啦
https://www.facebook.com/bangtaikaumai
請按此登錄後留言。未成為會員? 立即註冊