大家好，好多謝大家支持我嘅上一篇文『拜仁慕尼黑就係搞死德國足球（下）』。亦都要多謝球迷世界將文章share, 令更多人接收到我嘅理念。如果你未睇嘅，可以喺呢度睇返
http://football.fanpiece.com/footballholic/%E6%8B%9C%E4%BB%81%E6%85%95%E5%B0%BC%E9%BB%91%E5%B0%B1%E4%BF%82%E6%90%9E%E6%AD%BB%E5%BE%B7%E5%9C%8B%E8%B6%B3%E7%90%83-%E4%B8%8B-c1172254.html
有別於之前嘅論述風格，呢篇係一篇綜合描寫敘事抒情文章，希望大家鍾意。
好，開始。
眾所周知，我喺Westfallenstadion睇多蒙特對拜仁。但係睇完之後我意猶未盡，所以決定留多3日睇埋對Hoffenheim嘅德國盃賽事。係，要搞過晒啲交通同住宿安排，但係
比我捕獲到野生Shinji Kagawa!!!
真係好正，本身坐咗喺store度飲嘢，無端端見到佢。咁我梗係即刻狗衝埋去影相啦!
講返兩場波：
對拜仁場波真係無乜好講，正如袁文傑先生所講，雙方實力有明顯差距。多蒙特亦要有心理準備可能嚟緊需要進行重建。
多蒙特攻力薄弱問題尤其嚴重，中場做唔到波上。Aubameyang連掂波次數都唔多，前面靠Reus孤掌難鳴。拜仁長期有6個防守球員。喺Robben Ribery都受傷出唔到嘅情況下，拜仁好似打FIFA咁係咁放啲over the head through ball比Lewy同Muller哨，效果非常理想，入球亦都係咁造成。但係起碼見到球隊力已盡，賽後南看台都以熱烈嘅掌聲答謝球員。我上一次睇係對Augsburg，就係啲人吹晒口哨，Weidenfeller Hummels走埋去同球迷傾計嗰場。嗰陣氣氛真係好差，成個場好大殺氣。
值得一提嘅係，Neuer對Reus尾段嘅罰球嘅撲救固然係靚，但係現場所見，其實Reus嗰球波球速並唔係太快。
大家可以喺呢度睇番袁文傑先生對呢場波嘅評論。https://www.youtube.com/watch?v=lH5jIg3yEGc
對賀芬咸嘅德國盃賽事係我睇嘅第5場多仔(Hamburg, Away Leverkusen, Augsburg, Munchen)，之前4場全部贏唔到不特止(LDLL)，仲一球波都入唔到。我一直好驚呢個係一個宿命，係我黑住多仔。
入到場開波前仲要知道Hummels同Reus傷咗冇得出，身邊嘅德國仔都好失望。好彩Subotic喺比賽頭段就接應角球入波。之後Volland FIFA式禁區外接應角球射入。成也Subotic, 敗也Subotic, 之後一次嚴重失誤，令多仔俾人反超1－2。之後發生嘅，就係Aubameyang嘅equaliser同Kehl世界級致勝volley。
比賽程況大家上網睇精華都睇到，但係南看台嘅激情，係非筆墨所能形容嘅。
對Hoffenheim呢場波，係我第一次聽入球主題曲《Ole´, jetzt kommt der BVB》，好好聽，但係喺南看台睇波，就要有心理準備整番個beer shower。係，啲德國佬係好癲嘅，煙頭啤酒亂咁dum。上次我成條鞋帶辣燶咗。
大家見到多蒙特成日都會整個Echte Liebe出嚟，google translate下知道係Real Love咁解。你可能會覺得純粹係gimmick, 啲人想講佢哋有幾愛球隊，但係當中嘅意義，我係喺對賀芬咸嘅賽事先領略到。
Kehl喺108'射入世界波，全場歡喜若狂，球場MC Norbert Dickel帶領球迷咆哮Kehl的名字。但係大家都知道接落嚟嘅，就係俾人狂攻。對於今季不穩再加上有Hummels Piszceck缺陣嘅多蒙特防線來講，可謂係撳爆平安鐘。
呢一個情況，早幾個禮拜對Hannover嘅賽事都出現過，81分鐘俾人追番2-3, 我自己坐咗喺度，好緊張，全身無力。但係喺南看台，即使緊張，全部人都同你一齊緊張，一齊為多蒙特打氣，聲勢浩蕩。"Forza BvB, Schwarz und Gelb allez, Ich hab' mein Leben Dir vermacht, jeden Tag und jede Nacht". 喺嗰一刻，你會感受到南看台，甚至乎全場所有多蒙特球迷，所有人嘅心臟連成一線，造成一道強大氣場，亦即係人稱嘅Gelbe Wand － yellow wall。
多蒙特係一個大家庭。喺睇拜仁場波，我喺火車站問路，認識咗德國仔Marcel同Robin。講多幾句之後直頭同佢哋一齊去球場。佢哋請我飲啤酒，我同佢哋交流對多仔嘅睇法，入到場之後佢哋教我一啲球迷嗌嘅chants, 印象最深刻嘅就係『Gotze ist ein Hurensohn』。置身當中，你可以感受到多蒙特球迷對Gotze有幾咁恨之入骨。咩意思？errr自己check吓啦haha。
基本上，只要你係亞洲面孔，喺多蒙特街頭都會俾人叫做Shinji。佢哋好鍾意香川。我相信多蒙特球迷之間嘅bondings係無人能及的。至少係英國球迷無可能做到嘅
喺賀芬咸場波嘅前一日，我去咗位於Brackel嘅訓練場。除咗受咗傷嘅Hummels and Reus之外，其他球員都見到晒。當然，大部分都只係揸車經過比我見到。肯停車又比我捕捉到嘅有Kagawa, Klopp, Ginter。
當日有8個日本人喺訓練場出面，香川會停車亦十分合理。行埋去，只聽到大量日文haha
我有同Klopp影相。我同咗佢講兩樣嘢：（1）scheiße Bayern。佢聽到之後笑咗一笑；（2）唔好走，留係多蒙特。佢聽到之後都係笑咗一笑。究竟佢心入面係點諗架呢？
Ginter嘅出現無引起太大嘅反應，大概係因為佢名氣唔係太大。但係其實我係好鍾意佢的。我走埋去，搭住佢膊頭，同佢講，唔好因為之前犯過嘅錯誤而灰心。佢曾經係U19隊長，上季係Freiburg護級功臣，上夏係德國世界盃冠軍隊成員。CV其實好靚。我同佢講，終有一日佢可以超越Hummels，成為響噹噹嘅鐵衛。就我當日所見，Ginter真係頗缺乏自信。一個中堅技術固然重要，但係魅力，統領防線嘅壓場能力更加重要。Ginter係哩方面真係需要下一番苦功！
我係有同Kagawa Klopp Ginter影相嘅，我知不孝有三，無圖為大，但無計，怕醜。還請各路英雄見諒。
或者而家甚至乎未來，多蒙特唔會係歐洲巨頭，有主力球員會離開，會有好多年攞唔到冠軍。但係我哋唔係失敗球迷團。即使喺最壞嘅時刻，多蒙特嘅南看台嘅每一個人都會聲沙力竭地嗌heja BvB，球迷之間嘅愛亦都系達到家人嘅水平。多蒙特係一隊要用生命愛嘅球隊。
呢個就係Echte Liebe嘅意思。
支持我嘅就like我個facebook page啦
https://www.facebook.com/bangtaikaumai
http://football.fanpiece.com/footballholic/%E6%8B%9C%E4%BB%81%E6%85%95%E5%B0%BC%E9%BB%91%E5%B0%B1%E4%BF%82%E6%90%9E%E6%AD%BB%E5%BE%B7%E5%9C%8B%E8%B6%B3%E7%90%83-%E4%B8%8B-c1172254.html
有別於之前嘅論述風格，呢篇係一篇綜合描寫敘事抒情文章，希望大家鍾意。
好，開始。
眾所周知，我喺Westfallenstadion睇多蒙特對拜仁。但係睇完之後我意猶未盡，所以決定留多3日睇埋對Hoffenheim嘅德國盃賽事。係，要搞過晒啲交通同住宿安排，但係
比我捕獲到野生Shinji Kagawa!!!
真係好正，本身坐咗喺store度飲嘢，無端端見到佢。咁我梗係即刻狗衝埋去影相啦!
講返兩場波：
對拜仁場波真係無乜好講，正如袁文傑先生所講，雙方實力有明顯差距。多蒙特亦要有心理準備可能嚟緊需要進行重建。
多蒙特攻力薄弱問題尤其嚴重，中場做唔到波上。Aubameyang連掂波次數都唔多，前面靠Reus孤掌難鳴。拜仁長期有6個防守球員。喺Robben Ribery都受傷出唔到嘅情況下，拜仁好似打FIFA咁係咁放啲over the head through ball比Lewy同Muller哨，效果非常理想，入球亦都係咁造成。但係起碼見到球隊力已盡，賽後南看台都以熱烈嘅掌聲答謝球員。我上一次睇係對Augsburg，就係啲人吹晒口哨，Weidenfeller Hummels走埋去同球迷傾計嗰場。嗰陣氣氛真係好差，成個場好大殺氣。
值得一提嘅係，Neuer對Reus尾段嘅罰球嘅撲救固然係靚，但係現場所見，其實Reus嗰球波球速並唔係太快。
大家可以喺呢度睇番袁文傑先生對呢場波嘅評論。https://www.youtube.com/watch?v=lH5jIg3yEGc
對賀芬咸嘅德國盃賽事係我睇嘅第5場多仔(Hamburg, Away Leverkusen, Augsburg, Munchen)，之前4場全部贏唔到不特止(LDLL)，仲一球波都入唔到。我一直好驚呢個係一個宿命，係我黑住多仔。
入到場開波前仲要知道Hummels同Reus傷咗冇得出，身邊嘅德國仔都好失望。好彩Subotic喺比賽頭段就接應角球入波。之後Volland FIFA式禁區外接應角球射入。成也Subotic, 敗也Subotic, 之後一次嚴重失誤，令多仔俾人反超1－2。之後發生嘅，就係Aubameyang嘅equaliser同Kehl世界級致勝volley。
比賽程況大家上網睇精華都睇到，但係南看台嘅激情，係非筆墨所能形容嘅。
對Hoffenheim呢場波，係我第一次聽入球主題曲《Ole´, jetzt kommt der BVB》，好好聽，但係喺南看台睇波，就要有心理準備整番個beer shower。係，啲德國佬係好癲嘅，煙頭啤酒亂咁dum。上次我成條鞋帶辣燶咗。
大家見到多蒙特成日都會整個Echte Liebe出嚟，google translate下知道係Real Love咁解。你可能會覺得純粹係gimmick, 啲人想講佢哋有幾愛球隊，但係當中嘅意義，我係喺對賀芬咸嘅賽事先領略到。
Kehl喺108'射入世界波，全場歡喜若狂，球場MC Norbert Dickel帶領球迷咆哮Kehl的名字。但係大家都知道接落嚟嘅，就係俾人狂攻。對於今季不穩再加上有Hummels Piszceck缺陣嘅多蒙特防線來講，可謂係撳爆平安鐘。
呢一個情況，早幾個禮拜對Hannover嘅賽事都出現過，81分鐘俾人追番2-3, 我自己坐咗喺度，好緊張，全身無力。但係喺南看台，即使緊張，全部人都同你一齊緊張，一齊為多蒙特打氣，聲勢浩蕩。"Forza BvB, Schwarz und Gelb allez, Ich hab' mein Leben Dir vermacht, jeden Tag und jede Nacht". 喺嗰一刻，你會感受到南看台，甚至乎全場所有多蒙特球迷，所有人嘅心臟連成一線，造成一道強大氣場，亦即係人稱嘅Gelbe Wand － yellow wall。
多蒙特係一個大家庭。喺睇拜仁場波，我喺火車站問路，認識咗德國仔Marcel同Robin。講多幾句之後直頭同佢哋一齊去球場。佢哋請我飲啤酒，我同佢哋交流對多仔嘅睇法，入到場之後佢哋教我一啲球迷嗌嘅chants, 印象最深刻嘅就係『Gotze ist ein Hurensohn』。置身當中，你可以感受到多蒙特球迷對Gotze有幾咁恨之入骨。咩意思？errr自己check吓啦haha。
基本上，只要你係亞洲面孔，喺多蒙特街頭都會俾人叫做Shinji。佢哋好鍾意香川。我相信多蒙特球迷之間嘅bondings係無人能及的。至少係英國球迷無可能做到嘅
喺賀芬咸場波嘅前一日，我去咗位於Brackel嘅訓練場。除咗受咗傷嘅Hummels and Reus之外，其他球員都見到晒。當然，大部分都只係揸車經過比我見到。肯停車又比我捕捉到嘅有Kagawa, Klopp, Ginter。
當日有8個日本人喺訓練場出面，香川會停車亦十分合理。行埋去，只聽到大量日文haha
我有同Klopp影相。我同咗佢講兩樣嘢：（1）scheiße Bayern。佢聽到之後笑咗一笑；（2）唔好走，留係多蒙特。佢聽到之後都係笑咗一笑。究竟佢心入面係點諗架呢？
Ginter嘅出現無引起太大嘅反應，大概係因為佢名氣唔係太大。但係其實我係好鍾意佢的。我走埋去，搭住佢膊頭，同佢講，唔好因為之前犯過嘅錯誤而灰心。佢曾經係U19隊長，上季係Freiburg護級功臣，上夏係德國世界盃冠軍隊成員。CV其實好靚。我同佢講，終有一日佢可以超越Hummels，成為響噹噹嘅鐵衛。就我當日所見，Ginter真係頗缺乏自信。一個中堅技術固然重要，但係魅力，統領防線嘅壓場能力更加重要。Ginter係哩方面真係需要下一番苦功！
我係有同Kagawa Klopp Ginter影相嘅，我知不孝有三，無圖為大，但無計，怕醜。還請各路英雄見諒。
或者而家甚至乎未來，多蒙特唔會係歐洲巨頭，有主力球員會離開，會有好多年攞唔到冠軍。但係我哋唔係失敗球迷團。即使喺最壞嘅時刻，多蒙特嘅南看台嘅每一個人都會聲沙力竭地嗌heja BvB，球迷之間嘅愛亦都系達到家人嘅水平。多蒙特係一隊要用生命愛嘅球隊。
呢個就係Echte Liebe嘅意思。
支持我嘅就like我個facebook page啦
https://www.facebook.com/bangtaikaumai
請按此登錄後留言。未成為會員? 立即註冊