「靠著一個頭槌挽救自己的職業生涯—Divock Origi」

足球一家人 於 05/12/2019 發表 收藏文章
今季第一場默西塞德打吡,利記主場迎戰“拖肥糖”愛華頓。利記領隊Klopp適逢魔鬼賽程,喺今戰一共作出5個更換。其中最讓人意想不到嘅就係收起咗三劍俠中嘅Salah同Firmino,換由Origi同剛傷癒的Shaqiri正選。利物浦從一開始就統治比賽,最後毫無懸念以5-2大比分打敗愛華頓。賽中正選的Origi更梅開二度,再次成為默西塞德打吡主角。
Origi喺2014年夏窗以1000萬英鎊加盟利記,不過就立刻被租借返回利爾(Lille)。15/16賽季正式加盟後,Origi就一直被寄予厚望,畢竟年紀輕輕的佢喺法甲也頻有名氣。15/16賽季正是現任領隊Klopp加盟那季,而Klopp亦非常欣賞Origi。德國人自己亦承認曾經嘗試為多蒙特簽下Origi。Klopp對Origi的賞識唔係得把口講,Klopp執教的第一場比賽(對熱刺)就讓Origi正選。15/16賽季,Origi喺33戰中攻入10球,其中喺歐霸八強客場對多蒙特更攻入關鍵一球,Origi喺利記嘅第一季表現確實相當唔錯。
16/17賽季,領隊Klopp志在將球隊帶回歐聯賽場。隨著Firmino出任前鋒的崛起,Origi出場時間大大減少。好多時候佢只能替補出場或者喺杯賽出戰。雖然如此,Origi依然喺所有比賽中攻入11球,其中7球喺聯賽中攻入。萬萬冇諗到,Klopp喺17/18賽季將Origi租借到德甲球隊禾夫斯堡(Wolfsburg),好可能喺為咗讓Origi有更多出場時間。當時利記隊中有Firmino,Sturridge,Solanke同即將傷癒復出嘅Ings,因此租借Origi出去唔係難明嘅決定。
loading
上季Origi回歸利記,比利時人坦言喺禾夫斯堡渡過艱難的一季對於佢嘅成長起了大作用。不過剛回歸的比利時人似乎唔太受重用,比利時人甚至好幾次連板凳都冇份。Origi喺利記嘅日子似乎要結束了,連佢本人都話有可能會離隊。一直到2018年12月2號利記對戰愛華頓,比賽0-0僵持到80分鐘。Klopp喺84分鐘用Origi換下Firmino,結果喺96分鐘愛華頓門將嘅一個失誤讓Origi抓住機會並攻入絕殺球。自此之後,Origi就冇再回頭!

Origi就如Klopp同利記嘅秘密武器,Origi多次上場絕殺對手。Origi上季最讓人難忘嘅,莫過於歐聯半決賽對巴塞攻入的兩球,力助利記逆轉巴塞晉級決賽。今季Origi依然保持上季嘅節奏,包括對愛華頓嘅兩球,Origi目前攻入5球。其中就仲有聯賽杯對阿仙奴喺最後一刻攻入嘅扳平球,硬生生將比賽拖入點球大戰。上年比利時人靠著對愛華頓的入球復活了自己嘅利記生涯,今季對愛華頓又再攻入兩球,證明了Klopp唔需要再簽入新的前鋒為輪換作用。
正如利迷咁話—“Football without Origi is nothing!”。讓我們繼續期待這位年輕嘅比利時人能帶來的表現。


本專欄是由兩名來自馬來西亞的學生開設,如果喜歡歡迎追蹤專欄或FB專頁 足球一家人
https://www.facebook.com/FootballFamily627/

留言


請按此登錄後留言。未成為會員? 立即註冊
    快捷鍵:←
    快捷鍵:→