「紅軍狀態火辣 結束30年聯賽荒有望？」

琴日英超上演重頭戲，領頭羊利物浦主場坐鎮迎戰衛冕冠軍曼城。賽前多家媒體都話呢場對決好大可能會決定今季冠軍鹿死誰手。除此之外，由於近期李斯特城同車路士狀態神勇，呢場對決亦將會決定今季嘅爭四賽程。曼城賽前多名重要球員受傷，其中就包括2名主將Ederson同Laporte，因此利記被視為大熱門。呢場可以話喺開波前已經火藥味十足，哥迪奧拿多次嘗試打心理戰而科洛普亦有回應哥帥。
賽前利記球迷紛紛喺球場外列隊歡迎紅軍，場面相當壯觀。其實利迷唔止係要歡迎紅軍，更加係想“歡迎”曼城球員們。利迷真係好熱血，用盡辦法俾利記喺心理因素上佔優。球員們踏上球場時，Kop高唱You'll Never Walk Alone，為紅軍打入強心針。喺開波之後，其實係曼城比較占上風但是利記喺第6分鐘取得突破。Fabinho一記世界波，紅軍1-0領先。呢嘅入球飽受爭議，回放顯示Alexander-Arnold喺自己嘅禁區手球在先，但是亦有人話Bernardo Silva喺之前已經手球在先。小編個人認為利記呢次真係好幸運，畢竟咁樣嘅情況10次應該有9次會判12碼俾曼城啦！但是點都好，真係唔可以抹殺Fabinho高質量嘅入球。
7分鐘後，利記再次取得突破，Robertson神助攻Salah頭球破門，利記2-0擴大比分。呢個入球再次受到質疑，因為睇似Salah越位，但是VAR並唔撤回入球。利記開波少過15分鐘就領先2球，打亂咗曼城嘅節奏。賽中哥迪奧拿多次露出佢嘅憤怒，而小編亦可以理解。小編覺得曼城喺呢場賽中確實表現得唔錯，只不過裁判同VAR嘅一些判決好可能已經影響咗曼城嘅節奏同喺心理方面造成影響。隨後，利記憑著Mane再打入一球，而曼城由Bernardo Silva扳回一城。最後利記3-1獲勝，聯賽榜上領先曼城多達9分，領先第二嘅李斯特城8分。賽後，哥帥主動向前同裁判們握手，並諷刺般話"Thank you so much"。
賽後訪問中科洛普認為利記確實處於優勢，但是聯賽仲有26場比賽要打所以絕不能掉以輕心。而哥迪奧拿方面則大方讚賞利物浦，佢認為利記喺目前全世界最好嘅球隊。Mourinho今場比賽喺SkySports當評述員，而佢認為只要利物浦能避免大傷患，咁利記毫無懸念會係今季冠軍。穆帥認為今季嘅爭冠賽程已經結束。小編個人覺得紅軍依加好有冠軍相，但是點都好依加只係過咗12場比賽，若利記真係想要奪冠就需要繼續每場都力爭3分，不能鬆懈。接來嚟將係國際停賽週，哥帥會有時間好好準備來臨嘅魔鬼賽程。曼城2019年剩餘嘅賽程就需要對上3隊Big 6球隊同埋狀態火辣嘅狐狸，而利記則需要面對緊迫賽程嘅挑戰同遠赴卡達爾參加球會世界杯。緊跟在後嘅李斯特城同車路士又會不會趁虛而入，攻上榜首？12月後嘅聯賽榜會係點樣，我哋拭目以待吧！




本專欄是由兩名來自馬來西亞的學生開設，如果喜歡歡迎追蹤專欄或FB專頁 足球一家人
https://www.facebook.com/FootballFamily627/