「Japhet Tanganga—摩連奴新的愛將?」

足球一家人 於 15/01/2020 發表 收藏文章
自從熱刺狠心將普捷天奴解僱並交由摩連奴接手後,熱刺嘅表現就一直如過山車般上上落落。摩帥剛上任時就曾經取得了幾場重要的勝利,為熱刺取得前四帶來希望。不過近期嘅熱刺表現非常不穩定,聯賽逼平諾域治,戰敗修咸頓,足總杯又只能逼平英冠球隊米土士堡,因而必須重賽。聯賽上一輪亦輸俾領頭羊利記,而這場比賽就引來多人討論。呢場大賽本來就引來大家的關注,不過當摩連奴揭曉他的首發陣容時大家都震驚了。名單上出現了一個大家都唔熟悉的名字—Japhet Tanganga!
Tanganga出生於英格蘭倫敦東部,不過佢嘅家人其實來自剛果(Congo)。Tanganga十歲就加入熱刺青訓,而在未對利記前,呢名20歲球員只曾經為一線隊喺今季聯賽杯出戰。除咗該次,佢根本冇任何一線隊經驗。談及為何選擇喺呢場大賽派上Tanganga而唔係老將Vertonghen時,摩帥只簡單回答“因為Tanganga擁有速度”。這答案簡短但已經完美答了記者的問題,摩帥之所以選擇Tanganga就係為了應付利記前鋒們的驚人速度與爆發能力。
對利記時摩連奴排出三中堅陣容,而Tanganga被安排喺三中堅的右側。好明顯這是摩連奴針對利記左翼Mane作出的安排,而照成績嚟睇Tanganga確實成功減少了Mane的威脅力。Tanganga其實對利記嘅表現喺相當唔錯嘅,其中就擋咗Firmino嘅一次良好入球機會,之後又成功將Oxlade-Chamberlain嘅射門折射到球柱。整場比賽除咗被Firmino假動作晃過入球以外,Tanganga表現真係可喜可嘉。SkySports賽後亦為Tanganga打出標準的六分,證明佢仲有進步嘅空間畢竟一線隊經驗也唔多。
Tanganga就是典型的現代足球中堅,有著速度,力量以及唔錯嘅控球能力。除了司職中堅,Tanganga亦能夠掌握右閘的位置。今早熱刺對米土士堡的足總杯重賽,Tanganga正是喺右閘位置上首發而佢亦獲得本場比賽嘅MOTM!摩連奴上任時就答應會好好利用熱刺青訓系統,而佢大膽喺對利記呢場大賽派上Tanganga確實令人大跌眼鏡。然而這對熱刺嘅青訓球員喺一件好事,因為這代表摩連奴真的願意俾年輕球員機會。球隊老將Vertonghen的合約即將喺2020年夏天到期,若比利時人最後續約不成Tanganga好可能會成為摩連奴防守端重要的一員。


本專欄是由兩名來自馬來西亞的學生開設,如果喜歡歡迎追蹤專欄或FB專頁 足球一家人
https://www.facebook.com/FootballFamily627/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→