「Gareth Bale—玻璃人,邊緣人定係皇馬大腿?」

足球一家人 於 18/11/2019 發表 收藏文章
近幾年Bale多次被傳有意離開皇馬,當中就曾經同曼聯,熱刺同拜仁被連繫一起。而2019夏窗佢差啲就成功離開Los Blancos加盟中超球隊江蘇蘇寧,但最後因為Marco Asensio喺季前賽中受重傷,領隊Zidane最後一刻阻止Bale嘅離開。加盟中超對好多歐洲球員嚟講係大降級,Bale絕對有實力繼續征戰歐洲各大聯賽。咁點解佢會願意加盟中超咧?
Bale喺2013年時以當時最貴球員身價登陸西甲,當時佢就同Benzema,C朗組成BBC進攻三叉。喺前幾季Bale嘅表現十分出色,深受皇馬迷愛戴。然而喺16/17賽季時Bale飽受傷病困擾,也因此錯失咗多場比賽。威爾斯人已經喺皇馬呆咗足足7個賽季,加加埋埋Bale因傷一共缺陣多達79場比賽。也就代表喺皇馬嘅7個賽季,Bale大概缺陣咗2個賽季(以1個賽季38場比賽計算)。如果咁嚟睇又難怪皇馬迷喺最近幾季為佢標上“玻璃人”的稱號。
因傷而頻頻缺陣導致Bale嘅狀態大跌,16/17賽季佢27場比賽只打入9球。17/18賽季Bale表現有所回升,39場比賽打入21球,然而該季佢出場時間大大減少。Zidane喺2016年1月被委任皇馬領隊,而法國人視乎一早就認為Bale唔適合佢嘅戰術。即使Bale的入球數據相當唔錯,佢好多時候只能坐板凳。對此Bale感到非常憤怒,佢覺得自己配得上首發。Bale也多次公開表示對領隊的不滿,也因為咁樣佢激怒了皇馬迷。Zidane喺球員時代本就已經好受皇馬迷歡迎,加上喺皇馬執教成績又出色,因此皇馬迷喺嚟嘅時候選擇挺Zidane。
講到嚟到你哋可能會覺得Bale係不公平待遇的受害者,不過其實Bale喺皇馬更衣室裡本來就唔太受歡迎。有傳話雖然Bale喺西班牙多達6年不過至今仍未能掌握西班牙語。呢點就影響咗佢同隊中西班牙隊友嘅溝通,而佢本身亦無心要學好西班牙語。除此之外,皇馬隊友曾多次舉辦聯誼活動,一心想拉近隊友之間嘅關係,提高隊中士氣。但是Bale多次拒絕參與,而呢果事件甚至獲得隊友Courtois的證實!除咗唔參與球隊活動,佢的皇馬隊友亦話佢成日沈迷於高爾夫球。佢因此被隊友稱為"The Golfer"。
loading
所有嘅呢一切導致Bale厭恨在皇馬的日子,而相信皇馬同Bale依家嘅關係相當惡毒。Bale對皇馬極端嘅態度越來越明顯,佢曾經暗示喺威爾斯國家隊比喺皇馬快樂得多。近日更有西班牙媒體話Bale最在乎嘅事(從最在乎至最少)就係威爾斯國家隊,高爾夫球,皇馬,藉此諷刺威爾斯人喺皇馬無心戀戰。對此Bale淡笑表示西班牙媒體唔理解佢就唔應該發出評語。由此可見,Bale同西班牙媒體嘅關係亦十分惡性。
https://media.giphy.com/media/Wji27ewxXNsas/source.gif
巔峰狀態嘅Bale絕對有能力成為皇馬的大腿。7個賽季裡,佢同皇馬共獲13個冠軍,其中就包括4次歐聯冠軍。誰又能忘記佢喺13/14賽季西班牙盃決賽對巴塞打入個一球,17/18歐聯決賽對利記打入嘅倒鉤球?喺種種因素影響之下佢已經無心再為皇馬上陣。對於Bale嚟講選擇加盟中超確實係個大降級,不過亦可能係個解脫。


本專欄是由兩名來自馬來西亞的學生開設,如果喜歡歡迎追蹤專欄或FB專頁 足球一家人
https://www.facebook.com/FootballFamily627/

留言


請按此登錄後留言。未成為會員? 立即註冊
    快捷鍵:←
    快捷鍵:→