「38歲依然無敵 伊巴下一家會喺邊？」

近年多名球星喺職業生涯尾端時都會選擇到美國職業足球大聯盟(MLS)“撈金”。其中就包括Lampard, Gerrard, Pirlo,最近宣佈年末退役嘅David Villa，但是最受人矚目嘅當然喺伊巴(Zlatan Ibrahimovich)。呢位經常口出狂言又霸氣嘅瑞典人今早就宣佈唔會繼續征戰MLS，但並冇宣佈退役。睇嚟伊巴好快會搵到新東家！伊巴今年已經38歲，但是佢入球嘅紀錄卻不停刷新。伊巴喺MLS征戰2個賽季58場打入53球，連佢都曾經話過自己好似紅酒，越久越醇！好可惜伊巴未能隨LA Galaxy奪得冠軍，無法將MLS獎牌加入佢嘅收藏系列。咁既然佢已經證明自己仲有能力，小編就來盤點下Zlatan可以加盟嘅下一隊。
1. 曼聯
伊巴未加盟MLS前喺歐洲最後嘅球會正是紅魔。當時喺摩佬手下嘅伊布因為一次大傷加上Lukaku嘅加盟，最後選擇離開。今時嘅曼聯正缺少前鋒，蘇斯克查喺放走Lukaku後並未引入一名新嘅前鋒。若伊巴喺1月冬窗回顧曼聯，其實都係合情合理嘅。不過小編考慮到伊巴到依家都未曾奪過歐聯，已經38歲嘅佢會不會因此選擇加盟今季有征戰歐聯嘅球隊？如果喺咁，曼聯就唔會喺伊巴嘅考慮範圍之內。不過絕不能排除伊巴為咗報恩而回到曼聯，畢竟喺佢大傷時曼聯都有一直支持佢。
2. AC米蘭
AC米蘭同曼聯一樣，無歐聯足球俾伊巴。不過AC米蘭都曾經係伊巴嘅舊東家之一，而且紅黑軍團一直處於低迷狀態，今季表現差強人意。伊巴個人性格就愛挑戰，如果佢可以成功將AC米蘭帶回巔峰，咁佢就再次證明咗自己嘅實力。而且意甲嘅身體對抗冇英超咁激烈，適合已經38歲嘅伊巴。3. 皇馬
伊巴曾經隨巴塞征戰西甲一個賽季，不過佢同巴塞嘅關係唔會阻止佢加盟皇馬。目前冇媒體將伊巴同皇馬牽連一起，小編覺得佢非常適合加盟皇馬。第一個原因就係皇馬雖然今季表現起起落落，不過依然有能力喺歐聯中競爭。第二，皇馬前鋒人選唔多，Benzema係絕對主力不過Mariano同剛加盟嘅Jovic到依家都未證明自己，伊巴嘅加盟會加強皇馬鋒線。最後就係伊巴夠名氣，符合皇馬一直以來簽下Galatico嘅條件。雖然如此，小編覺得伊巴加盟Los Blancos嘅機率好低。
最後總結一下，小編冇將巴黎或者祖記列入考慮係要原因嘅。小編覺得巴黎依家鋒線已經爆滿，而祖記方面小編覺得Sarri暫時唔夠經驗帶領祖記問鼎歐聯。無論伊巴去到邊個球會，小編覺得伊巴一定會繼續證明自己，伊巴絕對唔係得把口講！


本專欄是由兩名來自馬來西亞的學生開設，如果喜歡歡迎追蹤專欄或FB專頁 足球一家人
https://www.facebook.com/FootballFamily627/

延伸閲讀：
【拖肥糖值得更好的球員】
【帶領芬蘭出線決賽圈的禿頭大叔 - Teemu Pukki】