「謝拉特-傳奇球員,未來傳奇領隊?」

足球一家人 於 31/10/2019 發表 收藏文章
蘇超一直都不受人矚目,因為好多人覺得蘇超水準超低,毫無競爭性。蘇超俾些路迪(Celtic)獨霸咗已經有8年。雖然佢地冇如拜仁或者祖記般嘅連霸次數,但是德甲同意甲嘅競爭比蘇超激烈多。不過,些路迪嘅連霸紀錄視乎要被終結了。
琴日蘇超第11輪賽事,謝拉特嘅格拉斯哥流浪4-0大勝Ross County,同些路迪喺分數上追平,些路迪僅靠淨勝球登上榜首!利記前傳奇隊長喺上季就開始執教格拉斯哥流浪,可能係第一季所以仲需要時間適應,上季嘅Rangers以9分落後些路迪只能排名第二。今季嘅Rangers已經徹底了解謝拉特嘅戰術同對球隊嘅要求,表現無論喺蘇超或者歐霸都相當穩定。格拉斯哥流浪除咗喺蘇超排名第二,喺歐霸小組賽目前3戰1勝1和1負好可能會順利晉級淘汰賽。
謝拉特喺未執教Rangers前就曾經執教利記U18青年軍。可能因為咁謝拉特有受到Klopp嘅影響,佢喺格拉斯哥流浪嘅戰術有運用到高普嘅high press搶壓戰術。除此之外,謝拉特好成功咁進步咗Rangers嘅防守。謝拉特執教前一季,流浪喺聯賽中被攻入50球,但是謝拉特成功將此數目減少將近一半(18/19賽季被攻入27球)。好明顯謝拉特唔係只注重進攻端,而有對流浪嘅問題對症下藥。流浪嘅進攻火力相當猛,上季就轟入咗82球!流浪嘅進攻火力唔係無原因嘅,上季打入18球嘅頭號射腳Alfredo Morelos今季已經打入8球,而新簽Defoe就打入10球(領先射腳榜)。
謝拉特身為球員深受利記球迷愛戴,而作為領隊嘅佢深受格拉斯哥流浪球迷愛戴。謝拉特喺記者會上嘅坦率直白亦得到讚賞。小編認為如果流浪keep住嗰勢,謝拉特好可能帶領流浪重返巔峰並奪冠。流浪嘅進攻流利,防守進步神速(今季目前只被攻入7球),加上Rodgers離開些路迪後,些路迪實力不如之前。謝拉特亦經過上季後執教經驗更加豐富戰術更識變通。好多聲音話如果高普離開,謝拉特毫無疑問會係佢嘅繼承者。會不會有一日可以喺英超見到謝拉特同林柏特企喺指揮區對戰叻?



本專欄是由兩名來自馬來西亞的學生開設,如果喜歡歡迎追蹤專欄或FB專頁 足球一家人
https://www.facebook.com/FootballFamily627/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→