「英足總到底幾時先會醒—英格蘭冬歇期」 精選 推薦

英格蘭足總杯第四圈逼平梳士貝利（Shrewsbury）後，高普表示由於喺Anfield進行的重賽將會喺英超冬歇期進展，因此會派上U23年輕軍上陣。德國人亦表示自己唔會喺場邊執教，將由U23教練Neil Critchley在場邊指揮。高普解釋喺上年四月時，佢收到英超的來函話2020年會安排冬歇期並要求球會尊重冬歇，球會被要求唔安排任何友誼賽，好讓球員可以休息。不過矛盾的就是英足總卻在該星期安排了足總杯重賽，導致一些球會將失去那僅僅一星期的冬歇。
此次受影響的其實唔止利物浦，仲牽涉到熱刺同修咸頓。英超今年終於引入冬歇，然而英超的冬歇與其他歐洲聯賽有何不同？普遍來說，歐洲各大聯賽的冬歇期通常介於聖誕節前夕到一月中，大概會休息兩個星期。這段期間所有比賽都會暫停直到冬歇期結束。英超的冬歇就大有不同了，英超的冬歇在二月進行而且唔會有比賽暫停，反而英超將會把一個比賽週分成兩個週末進行。也就是說十場比賽會分成五場喺二月八號進行，另外五場喺二月十五進行，這樣所有球會就有機會輪流休息一個星期。好多人認為英超終於引入冬歇期是好的開始，但亦有人反對此計畫。就比如前熱刺領隊普捷天奴早在2018年時就質疑了英超冬歇期的可行性。
其實無可否認英超又或則話英格蘭足球真的非常需要冬歇期。英格蘭聯賽足球被譽為最激烈的聯賽唔係冇原因嘅，除咗因為身體對抗更激烈還有因為賽程非常頻密。喺英格蘭征戰的球員唔單止要應付“聖誕快車”呢段魔鬼賽程，仲要參加兩個本土盃賽。這非常考驗球員的身體狀況，好多球員都因為賽程過於頻密而不斷受傷。近期嘅就有拉舒福特同簡尼（Harry Kane），而曼城領隊哥迪奧拿針對此事表示英超接下來幾場比賽冇呢兩位球員係好大嘅損失。哥帥認為英足總應該減少比賽的數量，最簡單直接的方式就是從減少杯賽開始。
喺好多人眼裏，英足總唔減少杯賽同舒緩“聖誕快車”只不過係貪錢，想大撈一筆，不過英足總唔減少亦有自己的苦衷。好明顯聯賽杯甚至足總杯對於好多英超球會是非常不起眼，好多球會都會視杯賽為鍛鍊青年軍的舞台。但呢又有冇諗過杯賽對於低級聯賽球會多麼重要？低級聯賽球會的收入遠遠不及英超球會，係杯賽抽中大球會成為他們賺取收入的一種方式。試諗下一家小球會如果抽到機會到英超球會的球場打比賽，單單門票收入就足夠為他們的球會在經濟方面大大衝刺了！或許這就是英超球隊看不見亦非常難理解的一面，也因此英格蘭低級聯賽球會Accrington Stanley老闆Andy Holt近日喺推特上批評高普的行為。至於聖誕快車，其實喺聖誕假期觀賞球賽可以說是英格蘭球迷的文化與習俗，若將聖誕快車取消可能會讓球迷失望。可能對於英格蘭球迷來講，冇球賽的聖誕節猶如我們華人冇月光的中秋節吧！
講到拉舒福特同簡尼嘅受傷，呢兩位都係英格蘭核心球員之一。2020年夏天即將迎來歐錦賽，兩年前世界杯達到四強的英格蘭勢必放眼取得更好的成績。然而頻密的賽程導致Southgate失去了兩名重要的球員，這必定會大大影響英格蘭的實力。雖然話呢兩位球員好大機會喺英超結束前回歸，不過能夠回到場上跟有比賽狀態是兩回事。外界其實早在多年前就認為英格蘭聯賽缺乏冬歇期是英格蘭國家隊一直未能在大賽有表現的關鍵因素之一。各大聯賽的球員都有機會休息，唯獨英格蘭聯賽依舊進行，加上大部分英格蘭球員都是征戰英超的，所以後果也非常顯著。
高普同哥迪奧拿雖然球場上是死對頭，然而兩位都認為英足總應該徹底改革英格蘭足球。推動“正式的冬歇期”，減少杯賽，取消足總杯重賽制，成為了他們兩位的三大訴求。其實除咗佢地，摩連奴，羅傑斯（Brendan Rodgers）同前阿仙奴領隊溫格亦非常認同英格蘭聯賽賽程頻密的問題。到底英足總幾時先會明白冬歇的重要性，又或者如何同低級聯賽達成更好的方案，睇嚟真係冇人知⋯


本專欄是由兩名來自馬來西亞的學生開設，如果喜歡歡迎追蹤專欄或FB專頁 足球一家人
https://www.facebook.com/FootballFamily627/