「最被低估嘅隊長」

英超第10輪重頭戲，利記主場2-1擊退熱刺，成功保住不敗紀錄。比賽中利記一度落後，最後憑著隊長“亨少” Henderson同“埃及王”Mo Salah嘅入球逆轉。利記10輪賽事後以28分暫列第一，領先第二名嘅曼城6分，亦因此成為今季嘅奪冠熱門。小編今次想討論下利物浦隊長呢位球員。
亨達臣2011年從Sunderland加盟紅軍，佢嘅加盟當時遭到球迷嘅質疑，認為佢無能力代表利記出戰。而佢喺利記第一季嘅表現確實係差勁，同當時仲喺利記嘅Downing一起被標為“水貨”。2012年，Brendan Rodgers被宣布為利記新任領隊，佢代替咗將亨少帶嚟利記嘅Dalglish。Rodgers初嚟到時就同亨達臣話佢可以離開，因為佢唔喺Rodgers嘅計畫當中。然而，亨少堅持留低並話要努力爭取首發位置。久而久之，亨達臣嘅表現越來越亮眼，除咗成功贏過Rodgers嘅信任仲用成績說服咗班球迷。2013年，亨達臣更被名為利記副隊長，由此可見亨少喺更衣室內有著唔錯嘅領導同影響力。2015年，隨著傳奇隊長Gerrard嘅離開，亨達臣順理成章的成為利記隊長。好多球迷對於Rodgers嘅呢果決定感到費解，佢地唔明白點解會俾亨少成為隊長。因此，亨達臣再次受到球迷嘅質疑。當Rodgers被炒而Klopp上任時，很多聲音話要Klopp更換隊長，但是Klopp並唔理會。其實可以理解為何亨少常遭質疑，因為佢表現從來就唔特別出色。尤其是Klopp加入後，亨少喺球隊中嘅角色有所改變。亨少以往都是比較屬於box to box嘅中場球員，但是渣叔將佢安排到防守中場嘅位置。亨少喺呢果角色中嘅表現係幾唔錯嘅，但是畢竟唔係自己熟悉嘅位置所以仲係有瑕疵咯。亨少扮演嘅角色中，很多時候佢嘅傳波都只係往旁邊傳，因此好多人話佢傳球能力差。小編認為其實亨少傳球能力相當唔錯，只不過係防守中場位置嘅佢唔機會好好發揮。上季巴西中場Fabinho加盟利記，而亨達臣亦被安排回到box to box嘅位置。呢果安排令亨少嘅表現大大進步。https://media.giphy.com/media/2vlkAmFl8FOTogdUx0/giphy.gif
小編認為亨少確實好有領導風範，係多場比賽中都不斷鼓勵隊友。對陣熱刺時當利記落後，亨達臣身為隊長就以身作則，為紅軍扳平。小編覺得好多針對亨達臣嘅批評都係無理嘅。亨少要代替Gerrard嘅位置係唔可能嘅啦，因此亨少唔需要成為第二個Gerrard，而係要好好做Jordan Henderson！今年亨達臣就捧起咗大耳朵杯，希望明年呢位英格蘭中場可以捧起英超獎杯啦！

本專欄是由兩名來自馬來西亞的學生開設，如果喜歡歡迎追蹤專欄或FB專頁 足球一家人
https://www.facebook.com/FootballFamily627/