「摩連奴係熱刺最佳人選」

足球一家人 於 21/11/2019 發表 收藏文章
相信呢幾日英超球迷都係道討論摩連奴加盟熱刺。狂人自上年12月遭曼聯解僱後就一直無工做,今季初甚至到英國電台SkySports當評述員。呢段時間摩連奴就多次表示自己很希望可以儘快搵到下一家,不過也表示下一家必須係個佢去到會開心嘅地方。應該冇人估到佢下一家竟然係熱刺!小編本身就覺得摩連奴係熱刺領隊嘅正確人選。
好多人認為熱刺解僱普捷天奴實在忘恩負義,熱刺係佢手下連續多年成功晉級歐聯,甚至喺上季打入歐聯決賽。小編認為熱刺確實應該再俾普捷天奴多啲時間,不過足球有時就係那麼殘忍。其實普捷天奴都已經喺熱刺長達5年,而呢5年裡熱刺嘅球員變動基本唔大。如果話球員們對普捷天奴嘅操兵方法感到麻木係可以理解嘅,畢竟唔係所有人都似費爺可以一直讓自己訓練方法隨著時代而改進。摩連奴嘅加盟將為熱刺球員們帶嚟新鮮感,球員們亦非常期待同摩連奴合作。
除此,普捷天奴好可能早已失去球員們嘅信心。5年內熱刺未曾攞下任何冠軍,而近年離開熱刺嘅球員卻撈得風生水起。比如話喺曼城嘅Kyle Walker,加盟曼城後唔單止週薪翻倍更收穫各種冠軍。熱刺球員們睇到必定眼紅啦!普捷天奴本身亦暗示無意長期留喺熱刺,呢點就讓熱刺球員們非常反感,到最後多名核心球員無意同普捷天奴合作。摩連奴絕對係個世界級領隊,佢好大可能會為熱刺奪下冠軍,熱刺球員會更想為佢效力。據傳本來有意離隊嘅Eriksen同Alderweireld喺摩連奴的到來後有意續約,呢果就係狂人的魅力!
熱刺喺普捷天奴執教下就一直打出亮眼嘅進攻足球。摩帥手下嘅熱刺未必會有如此亮眼的足球,不過絕對有成績的保障。摩連奴從來就冇注重任何足球理念,佢擅長將手上有嘅資源發揮到極致。好多人覺得摩連奴不如以前,小編唔認同。熱刺目前聯賽排名14,如果問我誰有能力帶領熱刺打入歐霸甚至歐聯資格,狂人係不二人選。狂人最愛就係當underdog,喺唔被人睇好嘅情況下摩連奴往往可以打出成績。喺波圖(Porto)同國米佢就喺咁樣嘅角色之下證明咗自己。
loading

摩連奴係有能力吸引球星加盟熱刺,不過就要睇熱刺老闆肯唔肯提供資金啦!摩連奴手下嘅球隊未必會有亮眼嘅足球睇,不過絕對有亮眼嘅成績。如果熱刺老闆肯全力支持摩連奴嘅引援計畫,咁小編相信熱刺離2008年(聯賽杯)後嘅首座獎杯唔遠!

如果喜歡我們的文章,請即分享到︰

延伸閲讀:
【低調的一群狼】

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→